वीर अस्पतालमा प्रहरीले नै बाँड्यो ओपिडी टिकट, उपचार गर्न मानेनन् डाक्टर
काठमाडौं, २७ चैत । वीर अस्पतालमा प्रहरीले नै विरामीका लागि ओपिडीको टिकट बाँडेको छ ।
समायोजनप्रति असन्तुष्ट चिकित्सकहरुले सेवा बन्द गरेको छैठौं दिनमा बुधबार प्रहरी लगाएर विरामीलाई टिकट बाँडिएको हो ।
यद्दपी डाक्टरहरुले भने काममा नफर्किने बताउँदै उपचार नगर्ने अडान लिइरहेका छन् । माग पूरा नभए राजीनामा दिने उनीहरुको चेतावनी छ ।
हाल कर्मचारी समायोजनप्रति असन्तुष्टि जनाउँदै गत शुक्रबारबाट देशभरका सरकारी चिकित्सकहरुले आकस्मिक बाहेकका सबै सेवा बन्द गरेर आन्दोलनमा उत्रिएका छन् ।