भोजपुरमा वाम गठबन्धनका सबै उम्मेदवारको अग्रता, कस्को मत कति?
भोजपुर: भोजपुरमा वाम गठबन्धनका तिनै जना उम्मेदवार अगाडि बढेका छन् । मतगणनामा प्रतिनिधि सभा तथा प्रदेश सभामा वाम गठबन्धनका तीनै जना उम्मेदवारले अग्रता लिएका हुन् ।
प्रतिनिधि सभामा वाम गठबन्धका माओवादी उम्मेदवार सुदन किराँतीले ३१०३ मत ल्याएका छन् । उनका प्रतिस्पर्धी कांग्रेस उम्मेदवार उमेशजंग रायमाझीले २४६३ मत ल्याएका छन् ।
त्यस्तै प्रदेश सभा (क) मा एमाले उम्मेदवार राजेन्द्र कुमार राईले १६६० मत ल्याएका छन् भने संघीय समाजवादी फोरमका उम्मेदवार अजम्बर राई काङमाङले १,१३१ मत ल्याएका छन् ।
प्रदेश सभा (ख) मा एमाले उम्मेदवार शेरधन राईले ४५६७ ल्याएका छन् भने उनका प्रतिस्पर्धी कांग्रेसका गोविन्दबहादुर कार्कीले १६६६ मत प्राप्त गरेका छन् ।
