ताइवानमा ६.७ म्याग्नेच्युडको भूकम्प, मानिस घर छाडेर सडकमा
काठमाडौं, ५ बैसाख । ताइवानमा बिहीबार दिउँसो ६.७ म्याग्नेच्युडको भूकम्प गएको छ । अन्तर्राष्ट्रिय सञ्चारमाध्यमका अनुसार स्थानीय समयअनुसार दिउँसो १ बजेर १ मिनेट जाँदा भूकम्प गएको हो ।
हुवालिएन प्रान्तमा केन्द्रबिन्दु भएको भूकम्पले राजधानी ताइपेईमा धक्का महसुस भएको थियो ।
भूकम्पपछि मानिसहरू घर छोडेर सडकमा आएका छन् ।
ताइपेईको भूमिगत रेल बन्द गरिएको छ । भूकम्पबाट भएको क्षतिको विस्तृत विवरण आउन बाँकी छ । शुरूमा ६.१ मा म्याग्निच्युडको भनिए पनि पछि त्यो सच्याएर ६.७ बनाइएको थियो । एजेन्सी