कामसूत्र ‘थ्रिडी’ की नायिका सायरा खानको दुःखद निधन
काठमाडौं, ८ बैसाख । विवादित फिल्म ‘कामसूत्र थ्रिडी’ की अभिनेत्री सयरा खानको निधन भएको छ ।
उनको शुक्रबार बिहान हृदयघातका कारण निधन भएको आईबी टाइम्सले जनाएको छ । ‘कामसूत्र थ्रिडी’ मा सायराले चर्चित अभिनेत्री शर्लिन चोपडाको स्थान लिएकी थिइन् । फिल्म रिलिजका क्रममा शर्लिनलाई लिएर ठूलो विवाद उत्पन्न भएको थियो ।
सायराको निधनलाई लिएर फिल्मका निर्माता रुपेश पालले दुःख व्यक्त गरेका छन् । एक अन्तरवार्तामा उनले भनेका छन्, ‘मलाई यस कुराको कुनै अपेक्षा थिएन ।’ उनले शर्लिनको स्थान लिनका लागि सायराले एकदमै अफ्यारोको सामना गर्नुपरेको बताए ।
उनले मुस्लिम परिावरबाट आएकी सायरालाई फिल्ममा लिनका लागि आफूहरुले पनि ठूलो चुनौती मलेको बताएका छन् । उनले सायराले निभाएको भूमिकालाई लिएर प्रशंसा समेत गरेका छन् ।
सायराको आत्मशान्तिको कामना गर्दै निर्माता रुपेशले उनको निधनमा कसैले पनि शोक व्यक्ति नगरेको भन्दै गुनासो समेत गरेका छन् । एजेन्सी
