सवारीधनीलाई कडाइ गर्दै सरकार, साउन १ देखि यूरो–४ मापदण्ड लागू गरिंदै
काठमाडौं, ११ बैसाख । सरकारले नयाँ आर्थिक वर्षदेखि सवारीसाधनको प्रदूषण मापदण्ड स्तरोन्ती गर्ने भएको छ ।
सवारीसाधनले गर्ने प्रदूषण न्यूनिकरण गर्न २०६९ मा लागू भएको नेपाल सवारी प्रदूषण मापदण्ड–२०६९ स्तरोन्ती गरि नेपाल सवारी प्रदूषण मापदण्ड–२०७५ लागू गरिने भएको हो । युरो स्ट्याण्डर्डलाई नै आधार मानेर नेपाल सरकारले नेपाल सवारी प्रदूषण मापदण्ड तय गर्दै आएको छ ।
नेपालमा पहिलो पटक २०५६ सालमा सवारी आयातमा प्रदूषण मापदण्ड लागू भएको थियो । त्यसअघि नेपालमा सवारी आयात गर्न कुनै पनि वातावरणीय जाँच भएको हुनु पर्दैन थियो ।
२०५६ मा युरो–१ लागू भएको थियो । त्यसपछि युरो–२ लागू नभई नेपालले २०६९ मा युरो– (नेपाल सवारी प्रदूषण मापदण्ड(२०६९) लागू गरिएको थियो । २–३ वर्ष अघिदेखि नै प्रदूषण मापदण्ड स्तरोन्तीको कुरा उठेको थियो ।
तर चालू आर्थिक वर्षमा भने सरकारले स्तरोन्ती गरि कार्यान्वयमा गर्न कमिटी नै बनाएको थियो । उक्त कमिटिले प्रारम्भिक अध्ययन गरिसकेको जनाएको छ । सरोकारवालाहरुसँगको छलफलपछि मापदण्ड तय भएको हो । कमिटीका एक सदस्यका जानकारी दिएका छन् ।
वन तथा वातावरण मन्त्रालयले भौतिक पूर्वाधार तथा यातायात मन्त्रालयसँगको समन्वयमा पास गरी प्रक्रिया पूरा गरेर राजपत्रमा प्रकाशित गर्ने छ । राजपत्रमा प्रकाशित भएपश्चात नयाँ सवारी प्रदूषण मापदण्ड युरो–४ लागू हुने जनाइएको छ ।