फोरम र नयाँ शक्ति एक, नौ बुंदे सहमतिपत्रमा हस्ताक्षर
काठमाडौं, २३ बैसाख । नयाँ शक्ति पार्टी नेपाल र संघीय समाजवादी फोरम नेपालबीच एकीकरण भएको छ ।
फोरम अध्यक्ष उपेन्द्र यादव र नयाँ शक्ति संयोजक बाबुराम भट्टराईले सोमबार पार्टी एकीकरणको सहमतिपत्रमा हस्ताक्षर गरेका छन् । एकतापछि पार्टीको नाम ‘समाजवादी पार्टी नेपाल’ राखिएको छ । प्रज्ञा प्रतिष्ठान भवनमा आयोजित घोषणा सभामा भट्टराई र यादवले नौ बुँदे सहमतिपत्रमा हस्ताक्षर गरेका छन् ।
नव गठित पार्टी प्रत्यक्ष निर्वाचित राष्ट्रपति र समानुतिक निर्वाचन प्रणालीमा जाने भएको छ । संविधान संशोधनमार्फत ११ प्रदेशमा राज्य पुर्नसंरचना गरेर पहिचानका आधारमा प्रदेशको नामाकरण गर्ने सहमति छ ।
