प्रियंकाको पहिरनलाई लिएर सामाजिक सञ्जालमा ‘ट्रोल’
काठमाडौं, २५ बैशाख । नायिका प्रियंका चोपडा हलिउड या बलिउडमा आयोजना हुने कार्यक्रममा पुग्दा जुन खालका पहिरन लगाउँछिन्, त्यसले उनको तारिफ नै तारिफ पाएका छन् । ‘मेट गाला’ कै अघिल्लो सिजनमा पनि उनले लगाएको पहिरनले विश्वभरका मिडियामा राम्रो स्थान मात्र पाएनन् चर्चा पनि पायो ।
यसपटक भने सबैले नायिका चोपडा पहिरनको बिषयलाई लिएर चिप्लिएको तर्क गरेका छन् । सोमबार बेलुकी आयोजित ‘मेट गाला–२०१९’ मा चोपडाले लगाएको पहिरन, उनको मेकअप र कपालको स्टाइललाई दर्शकले मन पराएनन् । पति निक जोनसको साथमा पुगेकी चोपडाले लगाएको पहिरनमा थुप्रै ट्रोल बनिरहेका छन् ।
प्रियंकाले लगाएको पहिरन लिएर फ्यानहरु निराश छन् । कतिपयले उनको पहिरनप्रतिको सजगतालाई लिएर हैरान भएको उल्लेख गरेका छन् । कतिपयले, प्रियंकाको आजसम्मकै सबैभन्दा खराब पहिरन भनेर लेखेका छन् ।
मिडियामा पनि प्रियंकाको यो पहिरन स्टाइलमा आलोचना नै भएको छ । आखिर, प्रियंकाले यस्तो पहिरन चर्चाकै लागि मात्र गरेकी थिइन् वा उनले यो पहिरनको माध्यमबाट अरु केही देखाउन खोजेकी थिइन् ?
