खोटाङको प्रदेश (क)मा एमालेका राजन राई विजयी
खोटाङ: जिल्लाको प्रदेशसभा क्षेत्र नं (क) मा वाम गठबन्धनबाट नेकपा (एमाले)का राजन राई विजयी भएका छन् । उनले १८ हजार ९३३ मत ल्याएर विजयी भएका हुन् ।
उनका निकटतम प्रतिद्वन्द्वी लोकतान्त्रिक गठबन्धनबाट नेपाली काँग्रेसका सुवासकुमार पोखरेलले १३ हजार ४११ मत ल्याए ।
२०३९ सालदेखि अनेरास्ववियु पाँचौंबाट राजनीतिक यात्रा सुरु गरेका राई हाल एमाले वैकल्पिक केन्द्रीय सदस्य हुन् । विद्यार्थी आन्दोलनका योद्धा राई यसअघि एमाले खोटाङका सचिव थिए ।२०२८ साल कात्तिक २५ गते खोटाङ, केपिलासगढी गाउँपालिका–३ बास्पानीमा जन्मिएका राईले काठमाडौंको आरआर क्याम्पसबाट स्नातकसम्मको अध्ययन गरेका छन् ।