एक वर्षपछि ‘छिपछिपे पानीमा लेउ’ (भिडियोसहित)
काठमाडौं, ३० बैशाख । एकनारायण भण्डारीको अर्को एक लोकगीत सार्वजनिक भएको छ । भण्डारीले आफ्नै शब्द र संगीतमा झण्डै एक वर्षपछि ‘छिपछिपे पानीमा लेउ’ बोलको गीत सार्वजनिक गरेका हुन् ।
गीतमा चर्चित गायिका विष्णु माझी र गायक पिताम्बर जिसीको स्वर छ । भिडियोमा दिलीप रायमाझी र सुरक्षा पन्तले अभिनय गरेका छन् । भिडियोलाई प्रकाश भट्टले निर्देशन, राजेश घिमिरेले छायांकन र विष्णु शर्माले सम्पादन गरेका छन् ।
राग स्टुडियोमा रेकर्ड गरिएको यो गीतमा संगीत संयोजन आशिष अविरलको छ । युट्युबमार्फत् सार्वजनिक यो गीतले सोमबार बिहानसम्म झण्डै साढे ६ लाख भ्यूज पाइसकेको छ ।
हेर्नुस भिडियो
