सीमान्तकृत मान्छेको अवस्था फेर्ने गरी बजेट बनाउनु पर्छ : घनश्याम भुसाल


३० बैशाख २०७६, सोमबार
1557736864ghanashyam

काठमाडौं, ३० वैसाख । नेपाल कम्युनिष्ट पार्टी (नेकपा) का सांसद धनश्याम भुसालले काम आउँदो वर्षको बजेट सीमान्तकृत नागरिकको अवस्था फेर्ने गरी बनाउनु पर्ने बताएका छन् ।

संसदमा सोमबार विनियोजन विधेयकमाथि छलफल र समर्थनमा भाग लिएका सांसद भुसालले काम गरेर खाने सीमान्तकृत वर्ग केन्द्रीत गरेर बजेट बनाउनु पर्ने सुझाव दिएका हुन् । ‘सीमान्तकृत वर्ग जसले जागिर पाउँदैन । इँटा बोकेर, भारी बोकेर खानुपर्छ ।

उनीहरू (मान्छे) लाई हेरेर बजेट निर्माण गर्नुपर्छ,’ उनले भने, ‘परम्परागत कृषिमा रहेका मानिसलाई उद्यमतर्फ लैजान सक्नुपर्छ ।’ रोजगारीका लागि विदेशिएका तथा परम्परागत कृषिमा अल्झेका चार लाखभन्दा बढी मान्छेलाई केन्द्रीत गरेर बजेट बनाउनु पर्ने पनि भुसालले बताएका छन् ।

‘समाजवादी बजेटले गर्ने काम भनेको चार लाख मान्छेलाई जागिर दियौं भने त्यसले राष्ट्रिय पुँजी निर्माण गर्छ । सीमान्तकृत मान्छे मध्यम वर्गमा रूपान्तरण हुनसक्छ,’ उनले भने, ‘सीमान्तकृत वर्गमाथि उठ्यो भने दलाल पुँजीलाई नियन्त्रण गरिसकेका हुन्छौं ।’

साथै उनले दलाल पुँजीपति वर्गले खानी, खोला, राजनीतिक पार्टी, कानुन, न्यायालय कब्जा गरेको र सार्वजनिक सम्पत्ति दोहन गर्दै सवैभन्दा शक्तिशाली बनेको समेत बताए । ‘हामी समाजवादमा जाने भनेकोले दलाल अर्थतन्त्रलाई रूपान्तरण गर्नुपर्छ,’ उनले भने, ‘रुपान्तरणका लागि रोजगारी आवश्यक छ ।’

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७