ल्होत्से हिमालको चुचुरोमा पाँच नेपाली, को-को पुगे चुचुरोमा ?


३१ बैशाख २०७६, मंगलवार
lotse 1

काठमाडौं, ३१ वैसाख । यो सिजनको पहिलो नेपाली टोली विश्वको चौथो अग्लो हिमाल ल्होत्सेको चुचुरोमा पुगेका छ ।

नेपाली टोली मंगलबार बिहान ९ बजेर ४७ मिनेट जाँदा ल्होत्सेको चुचुरोमा पुगेको हो । उनीहरु बाटो बनाउँदै चुचुरोमा पुगेको सगरमाथा आधार शिविरका सम्र्पक अधिकृत ज्ञानेन्द्र श्रेष्ठले जानकारी दिएका छन् । ल्होत्से हिमाल सगरमाथा, पाकिस्तानको केटू र कञ्चनजंघापछिको विश्वकै चौथो अग्लो हिमाल हो ।

चुचुरोमा पुग्नेमा दोलखा रोलवालिङका किली पेम्बा शेर्पा, तामतिङ शेर्पा तथा थामे सोलुका पेम्बा छोटे शेर्पा, आङ जाङ्बु शेर्पा र डेन्डी शेर्पा छन् । सगरमाथासँग जोडिएको ल्होत्से ८ हजार ५१६ मिटर अग्लो छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७