३१ लाख रुपैंयाँसहित दुई जना पक्राउ
काठमाडौं, ९ जेठ । स्रोत नखुलेको ३१ लाख नेपाली रुपैंयाँसहित काठमाडौंबाट दुई जना पक्राउ परेका छन् । उनीहरुलाई काठमाडौं महानगरपालिका–३१ बाट प्रहरीले पक्राउ गरेको हो ।
पक्राउ पर्नेहरुमा भक्तपुर जगाती बस्ने ५० वर्षीय राजभाई सञ्जु र झापा चारपाने घर भई हाल काठमाडौं सिनामंगल बस्ने ३३ वर्षीय अभिषेक सादा रहेका छन् ।
महानगरीय प्रहरी वृत्त बानेश्वरबाट खटिएको प्रहरीले बा.१४ च ८९५९ नम्बरको गाडी जाँच गर्ने क्रममा गाडीमा सवार उनीहरुलाई उक्त नगद सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।