प्रतिद्वन्द्वीलाई चार लाख भोटले उछिन्दै राहुल विजयी
काठमाडौं, ९ जेठ । भारतीय कंग्रेसका अध्यक्ष राहुल गान्धीले लोकसभा चुनावमा विजय हासिल गरेका छन् ।
दुई ठाउँबाट चुनाव उठेका गान्धीले मत गणना सकिएको केरलाबाट चुनाव जितेका हुन् भने उत्तर प्रदेशको अमेठीमा भने मतगणना जारी छ । गान्धीले केरलाको वायनाडमा चार लाख बढी भोटले प्रतिद्वन्द्वी भारतीय कम्युनिष्ट पार्टीका पीपी सुनिरलाई हराएको इकोनोमिक्स टाइम्सले जनाएको छ ।
अमेठीमा भने गान्धी भारतीय जनता पार्टीकी उपाध्यक्ष स्मृति इरानीभन्दा आठ हजारभन्दा बढी मत पछाडि छन् । मत गणनाको नतिजा आज बेलुकीसम्म आइसक्ने भारतीय सञ्चार माध्यमहरुले उल्लेख गरेका छन् । एजेन्सी