ग्वार्कोस्थित आकाशे पुलबाट ब्रिटिस लाहुरेले हाम फाले, घटनास्थलमै गयो ज्यान
काठमाडौं, १० जेठ । ललितपुरको ग्वार्कोस्थित बिएण्डबी अस्पतालमा नजिकको आकाशे पुलबाट एक ब्रिटिस लाहुरेले हाम फालेका छन् ।
ताप्लेजुङ घर भई हाल काठमाडौं कोटेश्वर बस्ने ६० वर्षीय कृतिमान राईले अस्पताल अगाडिको आकाशे पुलबाट हाम फालेर आत्महत्या गरेका हुन् । उनको घटनास्थलमै ज्यान गएको प्रहरीले जनाएको छ ।
ललितपुर प्रहरीले डिप्रेसनको औषधि खाइरहेका राईले आत्महत्या गर्नुको कारण खुलिनसकेको बताएको छ । घटना बिहीबार अपरान्हको हो । उनको परिवारका सदस्य बेलायतमा बस्छन् । प्रहरीले थप अनुसन्धान गरिरहेको छ ।