आर्यनको ‘च च हुई’ हङकङमा
काठमाडौं, १० जेठ । चलचित्र निर्देशकको रुपमा राम्रो नाम बनाउन सफल निर्देशक हुन् सामतेन भुटिया । चलचित्र ‘लेटर’ बाट नेपाली चलचित्रमा निर्देशकको रुपमा डेब्यु गरेका सामतेनले पछिल्लो समय चलचित्र ‘च च हुई’ लिएर आएका छन् ।
चलचित्रको गत सातादेखि हङकङमा छायाँकन भईरहेको छ । मेन्स्ट्रीमका कमर्सियल चलचित्रभन्दा पनि आर्टिस्टिक चलचित्रमा काम गर्न रुचाउने सामतेनले यस पटक कमर्सियल चलचित्रमा हात हालेका हुन् । तान्द्रो, अनागत, सुस्केरा र साढे सात जस्ता चलचित्र बनाएका उनलाई एकै जानराको चलचित्र मात्र बनाएको नाममा आलोचना पनि गरिने गरिन्थ्यो । यस जनविश्वासलाई नकार्दै उनले यस पटक फरक स्वादको कमेडी जनरको चलचित्रमा हात हालेका हुन् ।
एक साताको सुटिङ सेड्युल बनाएर हङकङ लागेको टोलिमा अभिनेता आर्यन सिग्देल, माओत्से गुरुङ र भोला राज सापकोटासँगै छायाँकार सुसन प्रजापति, निर्देशक सामतेन भुटिया, निर्माता अमृत घले लामा लगायत रहेका छन् । हङकङ सुटिङ सकिएपछि नेपालको बाँकी छायाङ्कन पूरा गरिने चलचित्रका निर्माता अमृत घले लामाले बताएका छन् ।
