विष्फोटमा घाइते तीन जनाको आईसीयूमा उपचार हुँदै
काठमाडौं, १२ जेठ । काठमाडौंको सुकेधारामा भएको विष्फोटमा घाइते भएकामध्ये ३ जनाको ओम अस्पतालको आईसीयूमा उपचार भइरहेको छ ।
घाइते भएका पाँच जनामध्ये तीन जनाको आईसीयूमा र दुई जनाको इमर्जेन्सीमा उपचार भइरहेको अस्पताल स्रोतले जानकारी दिएको छ । त्यस्तै वीर अस्पतालमा एक जनाको उपचार भइरहेको छ । उनी अनामनगर विष्फोटमा घाइते भएका व्यक्ति भएको प्रहरीले जनाएको छ ।
ओम अस्पतालमा उपचार गराइरहेकामध्ये दुई जनाको पहिचान भएको छ । हरि खड्का र सुरेन्द्र महर्जन भएको प्रहरीले जानकारी दिएको छ । आइतबार दिउँसो भएको विष्फोटमा अहिलेसम्म तीन जनाको मृत्यु भएको प्रहरीले जनाएको छ ।
