मोदीलाई माधव नेपालको टेलिफोनबाट बधाई
काठमाडौं, १२ जेठ । पूर्वप्रधानमन्त्री तथा नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले भारतीय प्रधानमन्त्री नरेन्द्र मोदीलाई फोन गरी बधाई दिएका छन् ।
भारतको लोकसभा निर्वाचनमा भारतीय जनता पार्टी (भाजपा) तथा उसको गठबन्धन नेशनल डेमोक्रेटिक एलायन्स(एनडीए)ले विजय हासिल गरेमा नेता नेपालले फोन गरी मोदीलाइ बधाई दिएका हुन् ।
उनले मोदीलाई सफल कार्यकालको शुभकामना दिएका छन् । भारतीय जनता पार्टीबाट सर्वसम्मत रुपमा संसदीय दलका नेता भएका मोदी दोस्रो कार्यकालका लागि प्रधानमन्त्री हुँदैछन् ।
ता नेपालको स्वकिय सचिव मोहन गौतम अनुसार जवाफमा भारतीय प्रधानमन्त्री मोदीले नेता नेपालले मोदीलाई फोन गरी नेपाल–भारत सम्बन्ध सुधार हुनेसमेत अपेक्षा गरेका छन् । मोदीले नेता नेपाललाई धन्यबाद दिँदै नेपाल–भारत सँगसँगै रहेर काम गर्न चाहेको बताएका थिए ।