विश्वविद्यालय अनुदान आयोगलाई अब १७ अर्ब ६४ करोड बजेट
काठमाडौं, १५ जेठ । विश्वविद्यालय अनुदान आयोगद्वारा दिइने अनुदानमा सरकारले भारी बृद्धि गरेको छ । बुधबार संघीय संसदमा बजेट पेश गर्दै अर्थमन्त्री युवराज खतिवडाले यस्तो घोषणा गरेका हुन् ।
उनले आयोगलाई उच्च शिक्षा आयोगको रुपमा पुनर्संरचना गर्ने र आयोग को बजेट १७ अर्ब ६४ करोड रुपैयाँ विनियोजन गरेका छन् । यसले विभिन्न विश्वविद्यालयहरुको शिक्षाको स्तर उकास्नको लागि अनुदान दिँदै आएको छ ।
यस बाहेक विद्यार्थीहरुलाई विद्यालयमा दिवा खाजाको लागि ५ अर्ब रुपैयाँ विनियोजन भएको छ भने हरेक छात्राहरुलाई निशुल्क स्यानिटरी प्याडको व्यवस्था गरिएको छ ।
