पाकिस्तानमाथि वेस्टइन्डिजको सानदार जित, १४ ओभरमै लक्ष्य पुरा गरे
काठमाडौं, १७ जेठ । आइसीसी एकदिवसिय विश्वकप क्रिकेटमा पाकिस्तानलाई ७ विकेटले हराउँर्दै वेष्ट इन्डिजले सानदान सुरुवात गरेको छ । नोटिङघममा भएको विश्वकपको दोस्रो खेलमा पाकिस्तानले दिएको १०६ रनको लक्ष्य १३.४ ओभरमै पुरा गर्दे वेस्टइन्डिजले विश्वकपमा सानदार सुरुवात गरेको हो ।
उसका लागि ओपनर क्रिस गेलले ३४ बलमा ६ चौका र ३ छक्का सहित ५० रनमा आउट भए । गेललाई ११ औं ओभरको पाँचौ बलमा मोहम्मद आमिरले सादब खानबाट क्याच गराउदै पेभिलिएन फर्काए । निकोलस पुरन १९ बलमा ४ चौका र २ छक्का सहित ३४ रनमा अविजित रहँदै सहज जित पक्का गरे । शिमरोन हिटमायर ७ रनमा अविजित रहे ।
पाँचौ ओभरको तेस्रो बलमा मोहम्मद आमिरले शाई होपलाई मोहम्मद हफिजबाट ११ रनमा क्याच आउट गराउँदै पहिलो सफलत दिलाए । आमिरले साँतौ ओभरको दोस्रो बलमा ड्रेन ब्राभोलाई बाबर आजमबाट डक आउट गराए ।
पाकिस्तानका लागि मोहम्मद आमिरले ३ विकेट लिए । भने अन्य कुनै पनि बलरले विकेट लिन सकेनन् ।
त्यसअघि नोटिङघममा टस हारेर पहिला ब्याटिङ थालेको पाकिस्तान २१.४ ओभरमा अल आउट हुँदै १ सय ५ रनमा मात्र बनाउन सक्यो । निकै कमजोर ब्याटिङ गरेको पाकिस्तानले १७ रनमा पहिलो विकेट गुमाएको थियो । त्यसपछि ३५ रन बनाउँदा दोस्रो विकेट खेर फालेको उसले ४५ रनमा तेस्रो विकेट गुमायो । एकपछि अर्को विकेट गुमाएको पाकिस्तानका कुनैपनि खेलाडी विच राम्रो साझेदारी हुने सकेन ।
उसका लागि बाबर आजम र फकिर जाहमले २२÷२२ रन बनाउनु बाहेक अन्यले दोहोरो रन बनाउन सकेनन् । मोहम्मद हफिजले १६ रन जोडे । अन्तिममा वाहेब रियाजले १८ रन थपेका थिए ।
टसमा जितेर पहिला फिल्डिङ गर्ने निर्णय लिएको वेस्ट इन्डिज लागि जेसोन होल्डरले तीन तथा लिए भने आन्द्रे रसेलले दुई विकेट हात पारे ।