कमरेड प्रचण्डसँगै देखेको सपना साकार पार्न नेकपा आएको हुँ : पदम राई

नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका पोलिटव्यूरो सदस्य पदम राई आज सत्तारुढ नेपाल कम्युनिष्ट पार्टी (नेकपा) मा प्रवेश गरेका छन् । विप्लव समूहका निकै प्रभावशाली नेताका रुपमा चिनिएका राई एका-एक सत्तारुढ नेकपामा प्रवेश गरेपछि राजनीति क्षेत्रमा निकै चासो बढेको छ । नेकपा अध्यक्ष पुष्पकमल दाहाल प्रचण्डलगायतका शीर्ष नेताले आज एक कार्यक्रमबीच राईलाई नेकपा प्रवेश गराएका हुन् । नेकपा प्रवेशपछि राईले विप्लव समूह छाडेर नेकपा प्रवेश गर्नुको गरेकाे विषयमा पदम राईसँग गरिएको कुराकानीको अंश :–

नेकपा विप्लव समूह किन छोड्नु भयो ?
मैले जे सोचेर, बुझेर कम्युनिष्ट पार्टीमा लागेपछि अगाडि बढ्ने सन्दर्भमा अध्ययन अनुभव गर्दै जाँदा अहिलेसम्मको कम्युनिष्ट इतिहासलाई हेर्दाखेरी ठूला-ठूला संघर्ष भए । तर, जनता र राष्ट्रलाई फाइदा भन्दा पनि बेफाइदा भइरहेकाे पाएँ । लड्ने र लडाउने कुरा भन्दा आफ्नै एजेण्डा र राजनीतिक मुद्धाहरुलाई टेबलबाट कुरा अगाडि बढाउँदा जनता र राष्ट्रलाई फाइदा होला भन्ने उद्देश्यले मैले वार्ताको पहल गरेको थिएँ । सरकारतर्फ पनि मेरो अनुरोध थियो र पार्टीमा पनि थियो । निषेध र प्रतिरोधको स्थितिले देशलाई फाइदा होइन घाटा लाग्छ भन्ने मैले बुझे ।

मैले वार्ताको कुरा गर्दै जादाँ मलाई एकाङ्कीरुपमा वार्ताको कुरा गरेको हुनाले नीति विपरीत भन्दै निलम्बनको कुरा आयो । त्यो भइसकेपछि राष्ट्र र जनताको हितका लागि बनाइएको पार्टी राष्ट्र र जनताकै लागि निलम्बनमा पर्ने भएपछि मलाई त्यति राम्रो लागेन । अर्को कुरा लडाई, युद्ध धेरै पटक भएको छ । जनता र राष्ट्रले केही पाएका छैन । त्यसैले मेरो उद्देश्य कुनै पार्टीलाई ठूलो बनाउने थिएन । अहिले पनि छैन । ठूलो पार्टी बनाउने होइन देश र जनतालाई फाइदा हुनुपर्‍यो । देशका जनता स्वाभिमान हुनुपर्‍यो, स्वतन्त्र हुनुपर्‍यो, समृद्धि हुनुपर्‍यो । यो बाटोबाट हुँदैन भन्ने कुरा भइसकेपछि मैले नेकपामा आउने निर्णय गरे ।

दोस्रो, कमरेड प्रचण्ड पहिल्यै हाम्रो नेता नै हुनुहुन्थ्यो । पछिल्लो चरण दुई मुहारलाई आरोप लगाएको थियौँ । उहाँहरुलाई मैले छेउमा पुगेर भाव बुझदा, अझ भेटेरै कुरा गर्दा निकै ठूलो आकांक्षा, सपना पाएँ । यो सपनालाई साकार पार्ने एक कम्युनिष्ट क्रान्तिकारीबाट साथ पो पाउनु पर्ने हो भन्ने भाव बुझेपछि मैले साथ दिनुपर्छ भनेर नेकपा प्रवेश गरे ।

वार्ताको पहल चाहीँ कहिलेदेखि गर्नु भयो ?
कहिलेदेखि भन्ने कुरा महत्वपूर्ण होइन् । नीतिगत, सैद्धान्तिक रुपमा भन्दा लडाई गरेर युद्ध गरेर सत्ता आउँछ भन्ने पक्षमा छैन । मुख्य उद्देश्य भनेको जनताको सत्ता हो । जसलाई नेकपाले बैज्ञानिक समाजवाद नाम दिएको थियो । त्यो साध्य हो । साध्यमा कसरी पुगिन्छ त्यो मुख्य कुरा हो । साधनलाई प्रयोग गर्ने भन्दा साध्यमा कसरी पुग्ने भन्ने कुरा हुन्छ । साध्य पुग्न साधनको कुरा मिलेन भन्ने हो ।

विप्लव वार्ताविरोधी हुनुको कारण के हो ?
मैले भन्न सक्ने कुरै छैन । आधिकारिक रुपमा त मलाई केही आएको छैन । पहिलो पार्टीको आठौँ महाधिवेशनले वार्ताको कुरै नगर्ने, भूमिगत हुने कहीं लेखेको छैन । तर, किन त्यसो गर्नु भयो म अचम्मित छु । महाधिवेशनले पारित गरेको दस्तावेज अनुसार बोलेको छु भन्ने दावी छ ।

निलम्बित नहुनु भएको भए विप्लवमै हुनुहुन्थ्यो ?

त्यस्तो होइन । म निलम्बित भएको कारणले यहाँ आएको होइन । प्रचण्ड कमरेडलाई भेटें, पछिल्लो चरण बादल कमरेडलाई भेटे । भेट्ने क्रममा उहाँहरुलाई अबका योजना र सपना के छ भनेर सोधें । त्यो सपना भनेपछि किन उहाँहरूलार्इ साथ नदिने भनेर यता आएको हो ।

कम्युनिष्ट दृष्टिकोणले तपाईलाई विप्लव पार्टीकाे नीति विपरीत काम गर्दा कारबाही गर्नु उचित थियो कि थिएन ?

एदकम ठिक हो । पार्टीको नीति विपरीत काम गर्नेको लागि । पार्टीको अनुशासनभित्र बस्नुपर्छ । तर, मेरो दावी के थियो भने–उहाँ चाहीँ पार्टीको नीति विपरीत चलिरहनु भएको छ । वार्ताको टेबलबाट पनि आफ्नो कुरा त भन्न सक्नुहुथ्यो नि । अर्को कुरा अहिले आम मान्छेहरु वार्ताकै पक्षमा देख्छु । एकचोटी आम मानिसहरुको, मध्यम वर्ग, बुद्धिजीवि, राष्ट्रवादी, परिवर्तनकामी शक्तिहरुको वार्ताप्रतिको जिज्ञासा चासो थियो । त्यसलाई पनि सम्बोधन गर्नुपर्छ भनेर वार्ताको कुरा गरेको थिएँ । तर एकाक्सी निलम्बन गरियो भनेर मिडियाबाट समाचार आयो । मेरो शैली नमिलेको होइन पार्टीको नमिलेको हो । मलाई स्पष्टिकरण लिने काम पनि भएन ।

दकम ठिक हो । पार्टीको नीति विपरीत काम गर्नेको लागि । पार्टीको अनुशासनभित्र बस्नुपर्छ । तर, मेरो दावी के थियो भने–उहाँ चाहीँ पार्टीको नीति विपरीत चलिरहनु भएको छ । वार्ताको टेबलबाट पनि आफ्नो कुरा त भन्न सक्नुहुथ्यो नि । अर्को कुरा अहिले आम मान्छेहरु वार्ताकै पक्षमा देख्छु । एकचोटी आम मानिसहरुको, मध्यम वर्ग, बुद्धिजीवि, राष्ट्रवादी, परिवर्तनकामी शक्तिहरुको वार्ताप्रतिको जिज्ञासा चासो थियो । त्यसलाई पनि सम्बोधन गर्नुपर्छ भनेर वार्ताको कुरा गरेको थिएँ । तर एकाक्सी निलम्बन गरियो भनेर मिडियाबाट समाचार आयो । मेरो शैली नमिलेको होइन पार्टीको नमिलेको हो । मलाई स्पष्टिकरण लिने काम पनि भएन ।

तपाईलाई आर्थिक चलखेलको आरोप पनि लागेको छ नि ?

मन नपरेपछि के–के भन्छन् भन्छन् नि । स्पष्टिकरण दिइराख्नु आवश्यक छैन । कति आर्थिक चलखेल गरेको छ दुनियाँलाई थाहा हुने कुरा हो । पदम राईले भ्रष्टाचार गर्‍यो भन्ने कतै सुनियो भने मान्छेहरु अचम्मित हुन्छन् । म भ्रष्टाचार, तस्करी र आर्थिक अनियमिता गर्ने मान्छे होइन ।

तपाईले आत्मसमपर्ण गर्नु भयो भन्ने पनि आरोप छ नि ? तपाईलाई गिरफतार गरेको हो कि होइन ?

गिरफतार गरेको छैन । कुनै पनि पार्टीमा संघ संस्थामा बस्ने काम गर्ने भनेको आफू खुशी हुनुपर्‍यो । आफू नै खुशी हुन नसक्ने काम गरेर केही काम छैन । यसरी काम गरेपछि म नै खुशी थिइन् । मैले बुझेको पार्टीको कार्यदिशा अनुसार कमरेडहरु नै चल्नु भएको छैन् भन्ने मेरो दावी हो । भूमिगत हुने, बन्दुक बोक्ने, वार्ताको कुरै नहुने, खरानी हुने भन्ने कुरा मलाई अचम्म लागेको छ । हामीले भनेको देशभक्त, वामपन्थी, राष्ट्रवादी, मध्यम वर्गको साथ सहयोग लिने, अगाडि बढ्ने, जनताको सहभागितासँगै शहरसँगै राजधानीमा एकीकृत क्रान्ति गर्ने वर्गीय समाजवाद ल्याउने भन्ने कुरा हो ।

तर उहाँहरु त्यतातिर गएर भूमिगत हुनु भयो । उहाँहरुले के भन्नु होला भने राज्यले धरपकड गरेपछि भूमिगत नभई के हुने भन्ने होला । हिजो स्टालिनले आफ्नै सहयोद्धालाई लाइन लगाएर गोली हानेर आम नरसंहार गरेको इतिहास पनि छ । सत्ताको कुरा हो । विप्लवले नेतृत्व गरेको पार्टीले बैज्ञानिक समाजवाद ल्याएपछि त्यहाँ पनि मान्छे असन्तुष्ट त बन्लान् । असन्तुष्ट भने त्यहाँ नि विद्धोह होला । त्यतिखेर उहाँहरु टुँडिखेलमा आएर मादल बजाएर त नाच्दैनन् । मंसिर ८ मा निर्मला पन्तको हत्यारालाई एक हप्ताभित्र प्रचण्ड–केपी ओलीको अगाडि ल्याउँछु भन्नु भएको थियो । खै ल्याएको ?

विप्लवमा पनि स्टालिन प्रवृत्ति हावी भएको हो ?

स्टालिन प्रवृत्ति हावी भएको भन्न सकिंदैन । कतिपय कुराहरु चाहीँ उद्देश्य अनुसार काम भएको छैन भन्दै आएको थिएँ । अहिले पनि भन्छु । भोलि पनि भन्छु । सच्चिन पर्छ । उद्देश्य चाहीँ महान राख्ने गतिविधि चाहीं निच गरेपछि हुँदैन ।

विप्लवको राजनीतिक कार्यदिशा नै गलत छ भन्न खोज्नु भएको हो ?

कार्यदिशा गलत भनेको छैन । ‘देशको विकासका निम्ति, समृद्धिका निम्ति, बैज्ञानिक समाजवादका निम्ति देशभक्त, वामपन्थी, राष्ट्रवादी, मध्यम वर्गहरुको (अहिले मध्यम वर्गको घेरा फराकिलो भएको छ) साथ सहयोग र समर्थनमा जनताको सहभागितामा शहर पनि नछोडी राजधानी पनि नछोडी एकिकृत जनक्रान्ति गर्ने, वैज्ञानिक समाजवाद ल्याउने, जनातालाई समृद्धि बनाउने, जनतालाई मुक्ति गराउने, राष्ट्रलाई मुक्त गराउने’ नीति थियो । नीति ठिक छ । मैले दावी गरिहेको छु । बरु गलत उहाँले गरिहरनु भएको छ ।

त्यो भए नेकपा चाहीँ किन आउनु भएको त ?

उहाँहरुले पार्टीको कार्यदिशा अनुसार काम नगर्नु भएपछि मैले सच्चाउनु पर्छ भनेर वार्ताको कुरा गरेको थिएँ । त्यो पार्टीको नीति विपरीत भयो । वार्तामा जाउँ भनेकै आधारबाट स्पष्टिकरण नलिइकन निलम्बन गरियो । मलाई स्पष्टिकरण नदिई निम्बनको कारणले नभई लक्ष्य, कार्यदिशा, सपना अनुसारको गतिविधि नगरेका हुनाले नेकपामा आए । राजनीति गर्ने मान्छेलाई ठाउँ त जहाँ पनि हुन्छ । महत्वपूर्ण कुरा भनेको लक्ष्य, उद्देश्य हो ।

विप्लवकाे पोलिटब्यूरो सदस्य हुनुहुन्थ्यो । विप्लवविरुद्ध बैठकमा बोल्न पाइँदैन्, पार्टी छोडेर जा भनियो भन्ने कुरा सुनिन्थ्यो नि ?

त्यस्तो होइन । मैले मेरो पार्टी मेरो नेता भनेर भेट्न खोजें । उहाँहरुले भेट्ने इच्छा नै राख्नु भएन । बरु तैंले भन्न खोजेको के भनेर स्पष्टिकरण सोध्नुको सट्टा निम्बन गरियो । म त एउटा पात्र भएँ तर यो प्रवृत्ति, संस्कार संस्कृति भएन । अर्को कुरा निलम्बन गरिसकेपछि प्रचण्डले भन्नु भयो, ‘हामीले निकै ठूलो लगानी गरेका छौँ, माया छ भन्नु भयो, माया त जहाँ पनि माया थियो । त्यसपछि उहाँको सपना सुनिसकेपछि साथ दिनुपर्छ भन्ने लाग्यो ।

जुन सपना साकार पार्न एउटा इँट्टाको काम गर्नुपर्छ भन्ने लाग्यो । इँट्टाको काम गर्न आएको छु । म उताको डर र त्रासले सुरक्षित हुनुका लागि आएको हो । कतिपय साथीहरुले वार्ताको कुरा गरिरहेका छन् तर, त्यो प्रशासनले निगरानी नगरोस् भनेर मात्र हो । तर मैले चाहीँ देश र जनतालाई केन्द्रमा राखेर वार्ता गर्नुपर्छ भनेको थिएँ । राज्यले प्रतिबन्ध लगायो त्यसको प्रतिकार गर्ने दुई शक्तिको टकरावको कुरा भयो । यसमा राष्ट्र र जनताले के पाउँछन् ? पटक–पटक क्रान्ति त हुँदै आएको छ । यसरी हुँदै गर्दा पनि राष्ट्र र जनताले केही नपाउने भएपछि वाक्क भएको थिएँ ।

अब विप्लव पक्ष र राज्य पक्षबीचको समाधान बाटो के देख्नुहुन्छ ?

म अहिले पनि के भन्छु भने राज्यले पनि दमन गरेर सकिन्छ, भन्ने सोच्नु हुँदैन । अहिले म राज्यको पक्षमा आए पनि मेरो अनुरोध छ, तीतो अनुभवबाट क्रान्तिको नाममा युद्ध र द्वन्द्वले नेपाली जनतारा राष्ट्रलाई घाटा नै गर्छ । बरु सबै एक चोटी बसौँ । देश परिवर्तन गर्नुपर्छ भन्ने कम्युनिस्टहरु बसौँ, नारायणमान विजुक्छेलाई बोलौँ, मोहन वैद्यलाई बोलौँ, मोहन विक्रमलाई बोलौँ, सीपी मैनालीलाई बोलौँ भने, बाबुरामलाई नै बोलौँ र विप्लवसँग बसौँ । समीक्षा गरौँ र अगाडि बढौँ । के हो त कहाँ कमी कमजोरी छन्, समीक्षा गरौँ । त्यति मात्र होइन, कम्युनिस्ट वृत्त बाहिर पनि बुज्रुक र बहादुरहरू छन् । देश बिग्रेको देखेर चिन्ता गर्ने र छाती पोल्ने मान्छेहरु छन् । किन हामी एक ठाउँमा नआउँने ? मैले गरेको सबै कुरा ठीक हो, अरूले गरेको सबै कुरा बेठीक हो भन्ने तर्क र बुझाइ अत्यन्तै गलत हो ।

विप्लवले नेकपा नेताहरुको हत्या गर्ने योजना बनाएका थियो भन्ने कुरा मिडियासँगै अध्यक्ष प्रचण्डले पनि बताउनुभएको थियो । त्यो योजना हो वा होइन् ? तपाईं पार्टी पोलिटब्युरो सदस्य हुनुहुन्थ्यो, बैठकमा त्यो कुरा आयो कि आएन ?

अब त्यो कुरा त मिडियाकर्मीलाई थाहा हुनुपर्ने हो । प्रचण्डलाई मार्ने योजना विप्लवको थियो भन्ने पनि सुनिन्थ्यो । मैले पनि सुनेँ । मैले नपत्याएर भनेको थिएँ विप्लवले प्रचण्डलगायतका नेताहरुलाई मार्ने योजना बनाएको छ भने पुष्टि भयो भने पार्टीबाट राजीनामा दिन्छु । मलाई लाग्छ विप्लवको कमरेडको प्रचण्डलगायतका नेताहरुलाई मार्ने योजना थिएन । नत सरकारले पूरा व्यवस्था गरेर विप्लवको हत्या गर्ने भन्ने कुरा आएको थियो नि ? तर अहिले पछिल्लो चरण मैले वार्ताको पहल गर्दै गर्दा विप्लव कमरेडले मलाई निलम्बन गर्नु भयो । यता मैले वार्ता हुनुपर्छ भनेको कारणका राज्यले मलाई धरपकड गरेन । पहिले त म सरकारको पार्टीमा आएको थिएन । मैले वार्ताको कुरा नगर्ने भनेर, विप्लवले भने जस्तै गरेको भए सरकारले मलाई समाएर लगिसक्नु पर्नेे थियो । म सरकारको पार्टीमा आज पो आएको छु । यस्तो मार्ने कुरा त माघ र फागुनदेखि हुँदैछ ।

१३. तपाईं वैशाख ९ गते नै नेकपा प्रवेश गर्ने भन्ने थियो नि त ? वैशाखमा के कारणले रोकिनुभयो ?

मलाई थाहा छैन, वैशाख ९ गते कसले कहाँ भन्यो ? मैले अस्तिको दिन मात्र कमरेड प्रचण्डसँग कुरा भयो । अनि उहाँले बोलाउनुभयो, म गएँ । विप्लवले निलम्बन गरेपछि मलाई अब के गर्र्ने भन्ने थियो । म त राजनीतिक मान्छे परेँ । सच्चिए राम्रो हुन्थ्यो । विप्लव नसच्चिएपछि सोच्नै पर्यो । अनि मैले काम गरेपछि जहिले नि देश र जनता असन्तुष्ट हुने काम गर्नु हुन्न भन्ने हो । अरुले सम्मान गर्छन् कि, हाइहाइ गर्छन् भनेर काम गर्ने होइन । आफूले केही गर्दैछु भन्ने क्लियर हुनुपर्यो् नि ? आफ्नो कामप्रति र उद्देश्यप्रति आफू नै क्लियर हुनुपर्यो ।

१४. तपाईं उता पोलिटब्युरो सदस्य हुनुहुन्थ्यो । अब यता के जिम्मेवारी रहन्छ ? जिम्मेवारीको कुरा के भएको छ ?

म पद बार्गेनिङ नगर्ने मान्छे हो । फेरि अघि अध्यक्ष कमरेड प्रचण्डले भनिसक्नुभयो, कस्तो हो पदम राई भनेर बुझिराख्नु भएको छ । यसमा म विश्वास छु कि मेरो सम्मान हुन्छ । अर्काे कुरा, म उताबाट यता कुनै ठूलो पदका लागि आएको होइन । मेरो जे सपना छ, त्यसलाई पूरा गर्नु हो । मैले कम्युनिस्ट राजनीति गरेको ३४ वर्ष भयो । त्यो पनि माओवादीबाट हो, अरूबाट होइन । मेरो ३४ वर्षको राजनीतिक अनुभवबाट हेर्दा मेरो सपना पूरा भएकै छैन् । मलाई कुनै जिन्सी, भौतिक सुख सुविधा चाहिँदैन । देश, जनता, राष्ट्रिय स्वाधीनता, स्वतन्त्रता, समानता र परिवर्तन मात्र मेरो दिमागमा आइरहेको छ । त्यो मैले काम गर्दैगर्दा खेरी सन्तुष्ट हुन सकिनँ । अब म आशा र अपेक्षा गर्छु, यो पार्टीमा ठूलो आशा गरेर आएको छु । मैले काम पाउँछु । म परिमाण निकालेर यस्तो गर्न चाहान्छु काम त पहिले नै गर्नुपर्ने रहेछ ढिलो भएछ भन्ने बनाउन चाहन्छु ।

१४. तपाईंलाई पदको अपेक्षा त होला नि ?

मेरो पदको अपेक्षा होइन । उद्देश्यसँग सम्बन्धित छ । म जहाँसुकै हुँ । मेरो अभावमा सपना पूरा भयो भने हास्ने र रमाउने मान्छे हो । म पदको पछाडि लाग्ने मान्छे होइन । पद सँगसँगै जिम्मेवारी पनि हुन्छ । बेकार पद किन चाहियो । मैले ठूलो डोको बोकेपछि डोकोभरी सामान बोके राम्रो हो । खालि डोको बोकेर केही हुँदैन ।

१५. अन्तिममा विप्लव नेतृत्वको एकीकृत जनक्रान्तिको भविष्य के होला ?

विप्लवले जित्दैन हार्छ भन्ने कुरा त हो । मैले अस्ति पनि भने ठूलो पार्टी त बन्ला तर जित्दैन भनेर लेखेको पाऊँ । त्यसमा मैले आपत्ति पनि जनाएँ । मेरो अहिले पनि एउटै कुरा छ । हार छ कि जित छ भन्ने कुरा होइन नि ? जित छ । १ सय ४ वर्षीय राणाशासनमा राणाहरुले, गङ्गालाल श्रेष्ठ, दशरत चन्द र शुक्रराज शास्त्रीको हत्या गरे । राणाशासन टिक्यो त ? राणाशासन मात्र ढलेको होइन । राणाहरु खै अहिले ? केही जीवित हुनु होला राजनीतिमा खै त ? त्यसैले त्यो तरिकाले हुँदैन भनेर मैले राज्य पक्षलाई भन्ने गरेको छ । अनि विप्लवमा त्यसको प्रतिकार गरेर विद्रोह गरेर सत्ता आउँछ भन्ने सपना छ नि ? हिजो १० वर्ष लड्दा १७ हजार मान्छे मारिए । परिवर्तनका लागि न लडेको हो र ?

अहिले विप्लव नै अन्तिम बहादुर र बुज्रुक होइन नि ? हिजो प्रचण्ड नहुँदा केही पनि नहुने र आज विप्लव नहुँदा केही पनि नहुने भनेर त हुँदैन नि ? परिवर्तन, क्रान्ति, स्वतन्त्र र स्वाधीनता चाहने मान्छे त अरू पनि छन । समयले त्यस्ता धेरै मान्छे जन्माउन सक्ला तर यस्तो समस्या त आइराख्छ । जबसम्म समाजामा समस्या रहिरन्छ । समस्याको समधान गर्नुपर्यो ।

नेपालमा समाजमा क्रान्ति भएकाले समस्या आएको होइन् । समस्याका कारण क्रान्ति जन्मेको हो । त्यसलाई सबै पक्षले बुझ्न जरुरी छ । त्यसैले दीर्घकालीन रूपमा समस्याको समाधानका लागि एजेन्डामा जानुपर्यो । मलाई खुसी लागेको छ । एमालेका झापा आन्दोलनका कर्मठ र अनुभवी नेताहरु हुनुहुन्छ । हिजो प्रचण्ड कमरेड मूलधारमा आएँ भनेर खुसी हुनुभयो । मान्छे र दललाई ल्याएर हुँदैन । अहिले विप्लव आएर के हुन्छ ? विप्लवका एजेन्डा सम्बोधन भएन भने त अर्को विप्लवको जन्मन्छ फेरि । मेरो अनुरोध यही छ, एजेन्डाका जानुपर्छ । ठूलो पार्टी बनाउँदा केहीलाई सत्तामा पुगेर खान त होला । तर जनता र राष्ट्रलाई धोका हुन्छ । अनि आन्दोलन र युद्ध रोकिँदैन नि ? समस्या हल हुँदैन् । कसले एजेन्डा उठायो । हिजो प्रचण्ड नेतृत्वमा सबै एजेन्डा हल भएको भए अहिले विप्लवको कुरा कसैले सुन्ने थिएन, केही बाँकी रह्यो ।

यद्यपी मैले अस्ती भेट्दा प्रचण्डले त्यो बाँकी कुरा पनि पूरा गर्छु भन्नुभयो । त्यसो हुँदा अब छुट्टै किन गर्ने त ? हामीले जे गरियो ठिक छ भन्नुभएको छैन् । केही नमिलेको छ, हाम्रो लक्ष्य उद्देश्य अझै छ, निरन्तर छौँ भनेपछि साथ र सहयोग दिनुपर्छ भन्ने लाग्यो । त्यसो हुँदा कुनै दल, कुनै व्यक्ति मिसिन्दैमा सबै सकिन्दैन् । अब हिजो प्रचण्डको नेतृत्वमा बाँकी रहेका कुराहरु गर्न जरुरी छ । त्यसैले म यता आाएको हो । त्यसका लागि मैले पनि प्रयास गर्छु, साथ सहयोग दिन्छु ।

प्रतिक्रिया दिनुहोस्