अर्थमन्त्री ज्ञानेन्द्र कार्की सुनसरी ४ बाट निर्वाचित
धरान: नेपाली कांग्रेसका नेता एवम् अर्थमन्त्री ज्ञानेन्द्र बहादुर कार्की प्रतिनिधिसभा सदस्यमा निर्वाचित भएका छन् । उनी सुनसरी क्षेत्रनम्बर ४ बाट निर्वाचित भएका हुन् ।
कांग्रेसका कार्कीले ३२ हजार ३४७ मत पाएका छन् । उनको निकटतम प्रतिस्पर्धी नेकपा एमालेका रमेश श्रेष्ठको पक्षमा २५ हजार ७५० मत छ ।
कार्की र श्रेष्ठबीचको मतान्तर ६ हजार ५९७ छ । तेस्रो स्थानमा रहेका राजपा उम्मेदवार रामनारायण यादवले ५ हजार २० मत पाएका छन् ।
यसअधि भोजपुरमा २०५१, २०५६ र २०६४ सालको निर्वाचनमा लगातार पराजित भएका कार्कीले यो वर्ष सुनसरीमा क्षेत्र ४ बाट विजय भएको छ ।