कास्की क्षेत्र–२ को समानुपातिक मतगणना सकियो, एमाले पहिलो साझा–विवेकशिल चौथो
पोखरा : कास्कीमा सोमबारदेखि गणना सुरु भएको समानुपातिक तर्फको क्षेत्र नम्बर २ प्रतिनिधिसभा र प्रदेशसभा चुनावको मतपरिणाम एमाले अगाछि आएको छ । क्षेत्र नम्बर २ मा ४९ हजार ९ सय ६ मत खसेको मतमा एमालेले २२ हजार ९ सय ६९ मत अग्रस्थानमा रहेको हो ।
एमाले पछाडि दोस्रो स्थानमा रहेकाे कांग्रेसले १६ हजार ६४ मत पायो। तेस्राे स्थानमा रहेको माओवादी केन्द्रले ३ हजार ४ सय ७९ मत पाएको छ । यसपटकको चुनावमा कास्कीबाट विवेकशील साझा पार्टीलाई राम्रै मत परेको छ। विवेकशीलले २ हजार ६ सय ६८ मत पायो। राप्रपाको १ हजार ७१ मत रहेको छ।
प्रदेशसभामा पनि एमाले अगाडि छ । यसैगरी कांग्रेस दोस्रो, माओवादी तेस्रो र विवेकशील साझा पार्टी चौंथो स्थानमा छ। प्रदेशसभामा एमालेले २१ हजार ७ सय ९७ मत ल्याएको छ । कांग्रेसले १५ हजार ६ सय ६० मत पाउँदा माओवादी केन्द्रले ४ हजार ५७ मत ल्यायो।
विवेकशील साझा पार्टीले २ हजार १ सय ६१ र राप्रपाले १ हजार २ सय २० मत पाएका छन्। नेपाली कांग्रेस, एमाले र विवेकशील साझाले प्रतिनिधिसभामा भन्दा प्रदेश सभामा कम मत ल्याएका छन्।
दल | प्रतिनिधिसभा | प्रदेशसभा १ | प्रदेशसभा २ |
नेकपा एमाले | २२९६९ | १२४६९ | ९३२८ |
नेपाली कांग्रेस | १६०६४ | ७२२७ | ८४३३ |
माओवादी केन्द्र | ३४७९ | २१५० | १९०७ |
विबेकशील-साझा | २७६८ | ११३८ | १०२३ |
राप्रपा | १०७१ | ५५५ | ६६५ |
नयाँशक्ति | ३७४ | ४२२ | ११० |
संघीय समाजवादी फोरम | ३७४ | २६५ | २१७ |