विमानस्थलबाट पेस्तोलसहित भारतीय नागरिक पक्राउ
बुटवल, ३ असार । गौतम बुद्ध विमानस्थल भैरहवाबाट एक थान पेस्तोल र १६ राउण्ड गोलीसहित भारतीय नागरिकलाई प्रहरीले प्रकाउ गरेको छ । पक्राउ पर्नेमा लखनउका ५० वर्षीया उमेश शुक्ला रहेका छन् ।
प्रहरीकाअनुसार आज शुक्ला दिउँसो बुद्ध एयरको विमानमार्फत भैरहवाा विमानस्थल हुँदै पोखरा उड्न लागेका थिए ।
जिल्ला प्रहरी कार्यालय रुपन्देहीका डीएसपी धर्मराज भण्डारीका अनुसार एक्सरेमा शंकास्पद दृष्य देखिएपछि खनतलासीका क्रममा पेस्तोल भेटिएको थियो ।
प्रहरीका अनुसार १.३० बजेको उनको उडान रहेको थियो । घटनाबारे थप अनुसन्धान भइरहेको प्रहरीले जनाएको छ । प्रहरीले उनको थप विवरण खुलाएको छैन् ।