स्याङ्जा १ मा प्रतिनिधिसभा सदस्यमा एमालेका मरासिनी विजयी
काठमाडौं: स्याङ्जा क्षेत्र नम्बर १ बाट नेकपा एमालेका नारायण मरासिनी प्रतिनिधिसभा सदस्यमा निर्वाचित भएका छन् ।
मरासिनीले ३९ हजार ४३३ मत प्राप्त गरेर विजयी हुँदा काँग्रेसका राजु थापाले २८ हजार ७३१ मत पाएका छन् । राजु थापा २०७० मा सोही क्षेत्रबाट निर्वाचित हुँदा मरासिनी निकटतम प्रतिस्पर्धी थिए ।
यस पटक चार वर्षअघिको बदला लिँदै मरासिनी सांसद निर्वाचित भएका हुन् । यो सँगै प्रतिनिधिसभाको प्रत्यक्षतर्फ १६२ स्थानको नतिआ सार्वजनिक भएको छ । जसमा नेकपा एमालेले ७६ सिट जितेको छ भने बाँकी तीन क्षेत्रमा पनि एमालेकै अग्रता छ ।