घरमा आगो लगाएर श्रीमतीको हत्या !
दार्चुला, ८ असार । दार्चुलाको नौगाडा गाउँपालिका–२, भैंसीमेलाका एक जना व्यक्तिले आफ्नै घरमा आगो लगाएउँदा श्रीमतीको ज्यान गएको छ ।
३० वर्षीय शेरबहादुर बडालले गए राति घरमा आगो लगाउँदा श्रीमती विन्द्रा बडालको मृत्यु भएको हो । शेरबहादुरले मादक पदार्थ सेवन गरेर घरमा आगो लगाएको देखिएको जिल्ला प्रहरी कार्यालय दार्चुलाले जानकारी दिएको छ ।
घरमा उनका बुबा, आमा र ३ जना छोराछोरी पनि बस्थे । उनीहरु भने सकुशल छन् । ‘घटनामा कसरी विन्द्राको मात्रै मृत्यु भयो भन्नेबारे अनुसन्धान थालेका छौं’, दार्चुलाका एक प्रहरी अधिकृतले भने ।
प्रहरीले घरमा आगो लगाउने शेरबहादुरलाई पक्राउ गरेको छ । परिवारका अन्य सदस्यहरुसँग पनि सोधपुछ भइरहेको प्रहरीले बताएको छ ।
