राष्ट्रियसभा गठनपछि मात्र नयाँ सरकार, प्रतिनिधिसभा र राष्ट्रियसभामा एक तिहाई महिला
काठमाडाैं : राष्ट्रियसभा चुनाव नहुँदासम्म संघीय संसद्ले पुर्णता नपाउने भएको छ । संसद्ले पुर्णता नपाई नयाँ सरकार गठन हुन सक्दैन ।
प्रतिनिधिसभा तथा प्रदेशसभा चुनावमा प्रत्यक्षतर्फ दुई तिहाई जित्ने वामपन्थी गठबन्धनका नेताले भने पुुस १५ गतेभित्र सरकार गठन गर्ने दावी गर्दै आएका छन् ।
राष्ट्रिसभा गठनपछि मात्रै नयाँ सरकार गठन हुनेछ ।
संविधानले राष्ट्रियसभा र प्रतिनिधिसभाको संयुक्त रुपलाई संघीय संसद् भनेको छ । प्रतिनिधिसभा र राष्ट्रियसभा नामका दुई सदनसहितको एक संघीय व्यवस्थापिका हुनेछ । जसलाई संघीय संसद् भनिनेछ संविधानको धारा ८३ मा लेखिएको छ ।
संविधानको धारा ८४ ८ मा यस भागमा अन्य कुरा लेखिएको भए पनि संघीय संसद प्र्रतिनिधित्व प्रत्येक राजनीतिक दलबाट निर्वाचित कुलसदस्य संख्याको एक तिहाई सदस्य महिला हुनपर्नेछ, भन्ने उल्लेख छ ।
जसअनुसार २ सय ७५ सदस्य रहेको प्रतिनिधिसभा र ५९ सदस्यीय राष्ट्रियसभाका एकतिहाई अर्थात् १ सय ११ जना महिला सांसद् हुनुपर्छ । प्रतिनिधिसभा र राष्ट्रियसभामा एक तिहाई महिला अनिवार्य छ ।, यो खबर आजको नागरिकमा छ ।
