विप्लवका जिल्ला सेक्रेटरी पक्राउ
पोखरा, १० असार । नेत्रविक्रम चन्द (विप्लव) समूहका लमजुङका जिल्ला सेक्रेटरी पोखरामा पक्राउ परेका छन् ।
विप्लव समूहका लमजुङ सेक्रेटरी विनोद सोनामलाई कास्की प्रहरीले पोखरा महानगरपालिका–४ सिद्धाचोकबाट सोमबार राति पक्राउ गरेको जिल्ला प्रहरी कार्यालय प्रमुख एवं प्रहरी उपरीक्षक दानबहादुर कार्कीले जानकारी दिएका छन् । पक्राउ परेका उनीमाथि थप अनुसन्धान भइरहेको प्रहरी उपरीक्षक कार्कीले बताएका छन् ।
