खेतमा काम गरिरहेकालाई चट्याङ लाग्दा तीनको मृत्यु, तीन जना घाइते
रुपन्देही, ११ असार । रुपन्देहीमा चट्याङले लागेर तीन जनाको ज्यान गएको छ । अरु तीन जना घाइते भएका छन् ।
कञ्चन गाउँपालिका २ का ६० वर्षीय नन्दराम अर्याल, सैनामैना ७ का ६२ वर्षीय चन्द्रबहादुर विक र गैडहवा ७ का २५ वर्षीय भगवानदास लोधको चट्याङ लागेर ज्यान गएको जिल्ला प्रहरी कार्यालय रुपन्देहीले जानकारी दिएको छ ।
घर छेउको खेतमा काम गरिरहेको बेला मंलबार साँझ परेको चट्याङ लागेर गम्भीर घाइते भएका उनीहरुको उपचारको क्रममा मृत्यु भएको हो ।
प्रहरीका अनुसार सियारी गाउँपालिका–२, की १४ वर्षीया ममता साहनी, वडा नम्बर–७ का ११ वर्षीय गौतम मल्लाह र १५ वर्षीय भोला मल्लाहको उपचार भइरहेको छ ।
