प्रतिनिधिसभाको प्रत्यक्षतर्फको अन्तिम नतिजा सार्वजनिक, कहाँ कुन दलको को विजयी भए ? (सुचीसहित)

---

नयाँ पेज

२७ मंसिर २०७४, बुधबार

काठमाडौं : पहिलो र दोस्रो चरणमा मंसिर १० र २१ गते भएको प्रतिनिधिसभा र प्रदेश सभा सदस्य निर्वाचनको पहिलो हुने निर्वाचित हुने प्रणालीतर्फको मतगणना सकिएको छ । प्रतिनिधिसभाको सुनसरी निर्वाचन क्षेत्र नं ३ को मतगणना बुधबार सकिएसँगै प्रतिनिधिसभाको १६५ वटै निर्वाचन क्षेत्रको मतगणना सम्पन्न भएको हो । यस्तै प्रदेशसभा सदस्य निर्वाचनको पहिलो हुने निर्वाचित हुने प्रणालीतर्फ ३३० वटै निर्वाचन क्षेत्रको मतगणना पनि सकिएको हो ।
१ सय ६५ निर्वाचन क्षेत्र मध्ये प्रतिनिधिसभातर्फ ६ सिटमा महिला निर्वाचित भएका छन्। भने प्रदेशसभामा १७ जना महिला उम्मेदवार विजयी भएका छन्।
एमाले पहिलो दल
निर्वाचनमा वाम गठबन्धनले १ सय १६ सिट जितेको छ।  वाम गठबन्धन बनाएर चुनावमा उत्रिएको नेकपा (एमाले) का ८० स्थान ल्याउँदै प्रतिनिधि सभामा पहिलो दल बनेको छ । यस्तै वाम गठबन्धन कै नेकपा (माओवादी केन्द्र)का ३६ दोस्रो बनेकाे छ ।
निर्वाचनमा एमालेले ६० प्रतिशत सिटमा उम्मेद्वारी दिएको थियो भने माओवादीले ४० प्रतिशत सिटमा उम्मेद्वार उठाएको थियो। तर एमालेले प्रत्यक्षमा ६९ प्रतिशत सिट जितेको छ भने माओवादीले ३१ प्रतिशत सिटमा जित हात पारेको छ।
नेपाली काँग्रेसका २३ सिट जित्दै तेस्राे क्रमश: राष्ट्रिय जनता पार्टी, नेपालका ११ र संघीय समाजवादी फोरम, नेपालका १० प्रतिनिधि निर्वाचित भएका छन् ।
यसैगरी नयाँ शक्ति पार्टी, नेपालका एक, नेपाल मजदूर किसान पार्टीका एक, राष्ट्रिय जनमोर्चाका एक र राष्ट्रिय प्रजातन्त्र पार्टीका एक प्रतिनिधि तथा स्वतन्त्र एक निर्वाचित भएका छन् ।

यस्तै प्रदेशसभामा एमालले पहिलो दल बनेको छ । प्रदेशसभा तर्फ भने एमालेले ५१ प्रतिशत सिटमा जित हात पारेको छ। माओवादीले २२ प्रतिशत, कांग्रेसले १२ प्रतिशत, संघीय फोरम ७ प्रतिशत, राजपाले ५ प्रतिशत र अन्यले २ प्रतिशत सिटमा जित हात पारेका छन्।
नेकपा (एमाले)का १६८, नेकपा (माओवादी केन्द्र)का ७३, नेपाली काँग्रेसका ४१, संघीय समाजवादी फोरम, नेपालका २४, राष्ट्रिय जनता पार्टी, नेपालका १६, स्वतन्त्र तीन, नयाँ शक्ति पार्टी नेपालका दुई, राष्ट्रिय जनमोर्चाका दुई, नेपाल मजदुर किसान पार्टीका एक उम्मेदवार निर्वाचित भएका छन् ।

कहाँ कुन दलको को विजयी भए ?

एमाले

माअाेवादी केन्द्र

नेपालीं कांग्रेस

नयाँ शक्ति

क्र.स	नाम	दल	चुनाव चिह्न	गठबन्धन	मत परिणाम	विपक्षी
१	डा. बाबुराम भट्टरार्इ	नयाँ शक्ति		लोकतान्त्रिक गठवन्धन	३१८०७	नारायणकाजी श्रेष्ठ (माओवादी केन्द्र) २४९३३

प्रतिनिधिसभा सदस्यका उम्मेदवारहरु

क्र.स	नाम	दल	चुनाव चिह्न	गठबन्धन	उमेर	मत परिणाम
१	चिमी लामा	माओवादी केन्द्र		वाम गठबन्धन		८५२
२	छक्कबहादुुर लामा	स्वतन्त्र		अन्य		८४९१
३	मंगलबहादुर शाही	नेपाली कांग्रेस		लोकतान्त्रिक गठवन्धन		८४४४

राप्रपा
राजेन्द्र लिङ्देन, झापा-३ 
नेमकिपा
प्रेम सुवाल, भक्तपुर-१