‘स्पाइडर म्यान’ ललितपुरको लबिम मलमा
काठमाडौं, २० असार । आजबाट विश्वव्यापी रुपमा रिलिज भएको हलिउड चलचित्र ‘स्पाइडर म्यान फार फ्रम होम’ को ललितपुरको लबिम मलमा प्रिमियर गरिएको छ ।
प्रिमियरमा नेपाली चलचित्रका कलाकार, मिडियाकर्मी र केही फ्यान सहभागी भएका थिए । सोनी पिक्चर्स र एप्पल इन्टरटेन्मेन्टले प्रिमियर आयोजना गरेको हो ।
जोन वाट्सको निर्देशनमा तयार भएको ‘स्पाइडर म्यान फार फ्रम होम’ ले नेपालमा राम्रो कमाई गर्ने बिश्वास गरिएको छ । चलचित्रमा टम हल्यान्ड, स्यामुअल एल ज्याक्सन, जेनेड्या, ज्याक गिलेनहाललगायतको अभिनय छ ।