‘इन्स्टाको फोटो’ चोरी आरोप सेलाउन नपाउँदै कालीलाई अर्को चोरीको आरोप
काठमाडौं, १ साउन । गायक तथा संगीतकार कालीप्रसाद बास्कोटाले चोरीको आरोप खेप्दै आइरहेका छन् । ‘इन्स्टाको फोटो’ चोरी गरेको आरोप सेलाउन नपाउँदै कालीलाई अर्को चोरीको बात लागेको छ ।
कालीको शब्द संगीतमा तयार भएको ‘समाचार’ बोलको गीतमा संगीत चोरीको आरोप लागेको हो । १० महिना अगाडि आफूले फेसबुकमा सार्वजनिक भएको ‘बुझाई देउ न’ बोलको गीतको संगीतसँग ‘समाचार’ बोलको गीतको संगीत मिलेको दाबी बिक्की महतको छ ।
महानरीय प्रहरी परिसर, टेकुमा उजुरी समेत दिएको महतले बताए । कालीप्रसाद बास्कोटाले भने यसबारे केही थाहा नभएको बताएका छन् । उनले भने, ‘गीत मिलेको छ भनेर मलाई एक दुई जनाले म्यासेज गर्नुभएको थियो तर, यसबारे मलाई केही जानकारी छैन । उनले संगीत मिलेको दाबी पनि अस्वीकार गरे ।