बेलायतमा नेपाली संगीत र खाना मेला {फोटो फिचर}
लण्डन, ११ साउन : नेपाल भ्रमण बर्ष २०२० लाई केन्द्रमा राखेर विश्व आदिवासी दिवसको अवसरमा बेलायतको लण्डनस्थित नेपाली संगीत र खाना मेलाको आयोजना गरिएको छ । नेपाली दूतबासको आयोजनामा शनिवार मेला आयोजना गरिएको हो ।
दुतावासको परिसरमा आयोजना गरिएको मेलामा आदिवासी जनजातिका भेषभुषा, खाना लगायतका विभिन्न सामग्रीहरु प्रर्दशनी गरिएको थियो । कार्यक्रममा विभिन्न जातजातिहरुको झाँकी र साँस्कृतिक गीत तथा नृत्यहरु प्रस्तुत गरिएको थियो ।
जीवन्त नेपाल निमार्णमा आदीवासी जनजातीहरुको महत्वपुर्ण योगदान रहेको कारण यो कार्यक्रम आयोजना गरिएको बेलायतका लागि नेपाली राजदुत दुर्गाबहादुर सुवेदीले बताए । भने, ‘नेपालको आदिबासी जनजातिहरुको संस्कृति मौलिक संस्कृति हो । नेपाल जनजातिहरुको संस्कार र सस्कृति सम्पति हो ।’
आदिबासी जनजातिहरुको कला र संगीत नेपालको अभिन्न अंग भएको उनले बताए । उनले भने, ‘उनीहरुले प्रयोग गर्ने भाषा र भेषभुषा नेपालको नेपालका राष्ट्र भाषा हुन् । त्यसैले विविधता भित्रको बास्तविक सुन्दरता आदिबासी जनजातीहरुको समृद्धि र झल्को दिन यसले टेवा पुग्ने छ ।’
हेर्नुहोस् फोटो फिचर :-
कार्यक्रमले नेपालमा पर्यटक भित्राउनका लागि महत्वपुर्ण योगदान दिने र यसबाट आदिबासी जनजातिहरुको संस्कार संस्कृति जीवन्त रहन मद्दत पुग्ने नेपाल आदीवासी जनजाति महासंघ बेलायतका संस्थापक अध्यक्ष थर्क रानाले बताए ।
विदेश जस्तो ठाउँमा यस्ता कार्यक्रम हुनुले संस्कार संस्कृति जीवन्त राख्नु त छदैछ, यसबाट नयाँ पुस्तालाई संस्कार संस्कृति हस्तान्तरण गर्नु पनि रहेको किरात राई यायोक्खा बेलायतका अध्यक्ष कल्पना राईले बताइन् । नेपाल भ्रमण बर्ष २०२० लागि लक्षित कार्यक्रमलाई यसबाट ठुलो टेवा पुग्ने समेत राईले बताइन् ।
कार्यक्रममा विभिन्न देशका राजदुतहरुलाई समेत निम्ता दिइएको थियो । उनीहरुलाई आदीवासी जनजातिहरुको खाना र प्रर्दशनी गरिएको सामग्रीहरुलाई देखाइएको थियो । नेपाली ख्यातीप्राप्त गायक दीप श्रेष्ठ लगायत अन्य गायक गायिकाहरुले आफ्ना प्रस्तुति दिएको थिए । कार्यक्रममा चर्चित नायिका दीया पुनको समेत उपस्थिती रहेको थियो ।