कामना सेवा विकास बैंकको नारायणगढ शाखा स्थानान्तरण
काठमाडौँ,२१ साउन । कामना सेवा विकास बैंक लि।को चितवन जिल्ला भरतपुर महानगरपालिका वडा नं। ३, स्थित नारायणगढ शाखा कार्यालय मंगलबार स्थानान्तरण भएको छ ।
हाल सञ्चालित भवनसंगै जोडिएको पूर्वतर्फ रहेको भवनमा स्थानान्तरण भई कारोबार शुभारम्भ गरेको हो । भरतपुर महानगरपालिका उपप्रमुख पार्वती शाह ठकुरीज्यूले उक्त शाखाको कारोबार शुभारम्भ गरिन् ।
स्थानान्तरण भई कारोबार शुभारम्भ समारोहमा बैंकका संचालक भीमप्रसाद तुलाचन, प्रमुख कार्यकारी अधिकृत प्रविण बस्नेत तथा क्षेत्रीय प्रमु्ख सुरेन्द्र भण्डारी लगायत स्थानीयवासीहरुको उपस्थिति रहेको थियो ।
काठमाडौं ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा ९७ वटा शाखा तथा४५ वटा एटिम मार्फत ग्राहकहरुलाई सेवाहरु दिइरहेको छ ।