पोखरामा भीषण आगलागी
पोखरा, २८ साउन । पर्यटकीय गन्तव्य पोखराको न्यूरोडमा भीषण आगलागी भएको छ ।
न्यूरोडको भाटभटेनी सुपरमार्केट अगाडि रहेको फर्निचर पसलबाट आगलागी शुरु भएको स्थानीयले जानकारी दिएका छन् । करीब साँझ साढे चार बजेबाट आगलागी शुरु भएको जनाइएको छ ।
आगलागीबाट चार वटा पसलमा क्षति पुगिसकेको प्रहरीले जानकारी दिएको छ । वारुणयन्त्र पुगेर आगलागी नियन्त्रणको प्रयास भइरहेको छ । घटनाबारे विस्तृत विवरण आउन बाँकी नै छ ।
