ऋतिक रोशन विश्वकै ह्यान्डसम
काठमाडौँ, ३१ साउन (एजेन्सी) । बलिउडका अभिनेता ऋतिक रोशन विश्वकै ह्यान्डसममा परेका छन् । अभिनयसँगै आकर्षक शरीर, शालीन र सुन्दर व्यक्तित्व उनी भारतीय सञ्चारमाध्यमहरूका अनुसार ऋतिक ‘टप ५ मस्ट ह्यान्डसम म्यान इन द वल्र्ड अगस्ट २०१९’ को सूचीमा पहिलो नम्बरमा परेको जनाएको छ ।
यस सूचीमा क्रिस इभान्स, डेभिड बेकह्याम, रोबर्ट प्याटिन्सनलगायतको नाम समावेश छ ।
एक्सन, डान्सलगायत सबै विधामा ऋतिक उत्कृष्ट मानिन्छन् । केही समयअघि उनी अभिनीत सुपर ३० ले राम्रो व्यापार गरेको थियो ।
यसमा उनले गणितशास्त्री आनन्द कुमारको भूमिका निभाएका थिए । उनको नयाँ फिल्म वार अक्टुबर २ मा रिलिज हुँदै छ । एक्सन फिल्म वारमा ऋतिक र टाइगर श्राफ मुख्य भूमिकामा छन् ।