सुध्रेनन् पूर्व युवराज पारस, विमानस्थलका प्रहरीमाथि हातपात
काठमाडौं, २ भदौं । पूर्व युवराज पारस शाहले त्रिभुवन विमानस्थलमा ड्युटीमा रहेका प्रहरीमाथि दुर्व्यवहार गरेका छन् । आमा र छोराछोरीलाई थाइल्याण्ड जान लागेका बेला विमानस्थलमा बिदाइका लागि पुगेका पारसले ड्युटीमा रहेका प्रहरी नायब निरीक्षक (सई) लाई दुर्व्यवहार गरेका हुन् ।
ती प्रहरी अधिकारीले कार्यालयमा उजुरी नगरेको भनिए पनि सो घटनाबारे महानगरीय प्रहरी आयुक्तको कार्यालय रानीपोखरीले समेत जानकारी राखेको छ ।
थाइल्याण्डमा रहेका ज्ञानेन्द्र शाहलाई भेट्न जान लागेकी कोमल शाहलाई बिदा गर्न पारस पनि विमानस्थल पुगेका थिए । आफ्ना छोरा र भाञ्जालाई दुव्र्यवहार गरेको भन्दै उनले प्रहरीलाई दुर्व्यवहार गरेका थिए ।
पारसले यसअघि पनि यस्ता घटनाहरु घटाउँदै आएका छन् । तर पछिल्लो समय उनको आनीबानीमा सुधार आएको अनुमान गरिरहेका बेला फेरि पूरानै हर्कत देखाएका छन् । नागरिक दैनिकबाट
