ओली, प्रचण्ड र देउवालाई ‘काट्छु’ भन्दै खुकुरी देखाउने क्षेत्री पक्राउ


३ भाद्र २०७६, मंगलवार
sagar

काठमाडौं, ३ भदाैं । सामाजिक सञ्जाल फेसबुकमार्फत प्रधानमन्त्री केपी ओली, प्रचण्ड र शेरबहादुर देउवालाई काट्छु भन्दै खुकुरी देखाउने युवालाई प्रहरीले पक्राउ गरेको छ ।

पक्राउ पर्नेका युवा बाराका सागर क्षेत्री रहेको प्रहरीले जनाएको छ । सामाजिक सञ्जाल फेसबुकमार्फत नेताहरुलाई गाली गरेको आरोपमा क्षेत्रीलाई बाराबाट पक्राउ गरेको महानगरीय अपराध महाशाखाले जनाएको छ ।

प्रधानमन्त्री ओली, प्रचण्ड र देउवालाई अपशब्द बोल्दै भिडियोमार्फत खुकुरी देखाउँदै काट्छु भनेका सागरलाई पक्राउ गरेको महाशाखाका प्रमुख एसएसपी सहकुल थापाले जानकारी दिएका छन् । पक्राउ परेका उनलाई काठमाडौं ल्याइँदैछ ।

एसएसपी थापाका अनुसार नुवाकोटका पत्रकार शालिकराम पुडासैनी हत्या प्रकरणमा अनुसन्धानका लागि पक्राउ परेका न्यूज २४ का प्रस्तोता रवि लामिछानेलाई समर्थन गर्दै नेतालाई अपशब्द बोलेपछि क्षेत्रीलाई पक्राउ गरिएको हो ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७