राष्ट्रिय वाणिज्य बैंकको एकैपल्ट १४ वटा शाखाको उद्घाटन
काठमाडौं, ११ भदौ । अर्थमन्त्री डाक्टर युवराज खतिवडाले राष्ट्रिय वाणिज्य बैंकको एकैपल्ट १४ वटा शाखाको उद्घाटन गरेका छन् । बैकले काठमाडौंमा एक कार्यक्रममा गरी संयुुक्तरुपमा एकैपल्ट १४ वटा शाखाको उद्घाघाटन हो ।
उनले कार्यक्रममा बैंकहरुलाई एकल अंकको ब्याजदरमा कर्जा प्रवाह गर्न सुझाव दिए । मुद्रा स्फ्रिति भन्दा कम नहुने गरी बचतमा ब्याज दिन पनि उनले सुझाव दिए ।
मन्त्री खतिवडाले ब्याजदरमा ध्यान नदिए तरलता अभावमा बैंक तथा वित्तीय संस्था धेरै लामो समयसम्म बस्नुपर्ने बताए । पुँजीगत लाभकर घटाइएको उल्लेख गर्दै डा. खतिवडाले अब बैंकहरुले राम्रो नाफा कमाएर लगानीकर्तालाई खुशी पार्नुपर्ने बताए । पुँजी बजार निरन्तर घटेर तल्लो विन्दुमा पुगेका बेला अर्थमन्त्रीले सुधारका थुप्रै काम गरेको दाबी गरे ।
देशका ७७ वटै जिल्लामा शाखा विस्तार गर्ने राष्ट्रिय वाणिज्य बैंक पहिलो बैंक बन्न सफल भएको बैंकका कार्यकारी अधिकृत किरण कुमार श्रेष्ठले जानकारी दिए ।
राष्ट्रिय वाणिज्य बैंकले प्रदेश नं १ मा झापाको चकचकी र मोरङको कर्सिवाबजार, प्रदेश नं २ मा रौतहटको चन्द्रपूर, पर्साको पोखरीया तथा महोत्तरीको बलवाबजार र पिपरामा शाखा विस्तार गरेको छ ।
यस्तै, प्रदेश नं ३ मा मकवानपुरको भिमफेदी र काठमाडौं कोटेश्वर र टोखामा शाखा खोलेको छ ।
यता, गण्डकी प्रदेशमा नवलपुरको टांगीकोट र तनहुको खैरेनीटार तथा प्रदेश नं ५ मा दाङको घोराही, कपिलवस्तु चन्द्रौटा र पूर्तिघाट गुल्मीमा शाखा विस्तार गरेको छ । थपिएका शाखासहित बैंकको कुल शाखा संख्या २३६ पुगेको छ ।