काठमाडौंमा दिउँसै गोली चल्यो, एक महिला घाइते
काठमाडौं: काठमाडौंको टोखास्थित झोरको जङ्गलमा बुधवार दिउँसो गोली चलेको छ । गोली लागेर एक जना महिला घाइते भएकी छिन् ।
घाइते हुनेमा स्थानीय ३५ वर्षीय दुर्गा दुलाल छिन् । प्रहरीका अनुसार उनी घाँस काट्न गएको वेला गोली लागेको थियो ।
स्थानीय तीन युवकहरुले सिकार गर्ने क्रममा गोली चल्दा उनलाई लागेको हुन सक्ने प्रहरीको प्रारम्भिक अनुमान छ । थप अनुसन्धान भइरहेको छ ।
प्रहरीका अनुसार दुलालको कुममा गोली लागेको छ । उनको काठमाडौँको ग्राण्डी अस्पतालमा उपचार भइरहेको छ ।उपचारमा संलग्न चिकित्सकहरूले उनी अहिले खतरामुक्त रहेको बताएका छन् ।