ए सिरिजका नयाँ स्मार्टफोन ल्याउँदै आपो
काठमाडौं, २३ भदौ । ओपोले नेपालमा ए सिरज २०२० अन्तर्गत नयाँ स्मार्टफोनहरु सार्वजनिक गर्ने घोषणा गरेको छ । ‘एनाइन २०२०’ र “एफाइभ २०२०’मोडलमा बजेट स्मार्टफोन ल्याउन लागेको कम्पनीले जानकारी दिएको छ।
मिड रेन्ज प्राइसमा ल्याउने तयारी गरिएको यी स्मार्टफोन युवा पुस्तामा लोकप्रिय हुने कम्पनीको विश्वास छ।
ओपोले सन् २००९ मा पहिलोपटक ए सिरिजका फोन ल्याएको थियो। पहिलो ए सिरज मोडल, ए१०० थाइल्याण्डमा सार्वजनिक गरिएको थियो
ओपो ए सिरिज २०२० मा अहिलेका भन्दा नयाँ फिचर्स हुने बताइएको छ। कम्पनीका अनुसार नयाँ फोनमा ४८ एमपी अल्ट्रा वाइड क्वाड क्यामेरा, डुअल स्टेरियो स्पिकर्स र ५ हजार एमएएच अल्ट्रा ब्याट्री हुने छन्।