एनआईसी एशिया बैंकको ‘सुपर चमत्कारीक तलव बचत खाता’ योजना, ६० लाखसम्मको दुर्घटना बिमा

६० लाखसम्मको दुर्घटना बिमासहित यस्ता छन् अन्य सुविधा


२५ भाद्र २०७६, बुधबार
nic 2

काठमाडौं, २५ भदौं । एनआईसी एशिया बैंकले कर्मचारी लक्षित ‘सुपर चमत्कारीक तलव बचत खाता’ योजना सार्वजनिक गरेको छ ।

 

कर्मचारीहरुको मासिक तलब बचत गर्न उत्प्रेरित गर्ने उद्देश्यले बैंकले तलब खाता सञ्चालनमा ल्याएको हो । ‘सुपर चमत्कारीक तलव बचत खाता’ शून्य मौज्दातमा खोल्न सकिने छ । बैंकले ६.५० प्रतिशत ब्याजदरमा उक्त बचत खाता योजना ल्याएको हो । जसअन्तर्गत कम्तीमा पनि ५ जना कर्मचारी कार्यरत संस्था वा कम्पनीले यो योजनामा सहभागिता जनाउन सक्ने बैंकले जानकारी दिएको छ ।

शून्य मौज्दातमा नै खाता खोल्न सकिने यो योजनामा तलवको भने कुनै सीमा तोकिएको छैन । कर्मचारीलाई कारोबार अवधिभरको लागि निःशुल्क इन्टरनेट बैंकिङ्गको सुविधा प्रदान गरेको बैंकले जनाएको छ ।

त्यसैगरी, मोबाईल बैकिङ्ग, डेबिट तथा क्रेडिट कार्डको सुविधामा पहिलो वर्ष निःशुल्क बनाएको छ । डीम्याट खाता पनि निःशुल्क खोल्न सकिने व्यवस्था बैंकले गरेको छ । त्यसैगरी यो योजनामा सी–आस्वा र लकरको सुविधा पनि लिन सकिन्छ ।

तलब खाता खोल्दा इन्स्योरेन्स सुविधा
एनआईसी एशिया बैंकले ‘सुपर चमत्कारीक तलव बचत खाता’ खोल्ने आफ्ना ग्राहकलाई इन्स्योरेन्सको सुविधा पनि प्रदान गरेको छ । दुर्घटना बिमा अन्तर्गत ६० लाखसम्मको बिमा सेवा प्रदान गर्ने बैंकले जनाएको छ ।

त्यसैगरी, बैंकले यो योजना अन्तर्गत गम्भिर प्रकारको विरामी भएमा २० लाखसम्मको बिमा सेवा दिने योजनामा उल्लेख गरेको छ । बैंकले मेडिकल बिमा तर्फ १ लाख ५० हजारको बिमा सेवा प्रदान गर्ने योजना अगाडी सारेको छ ।

यस्ता छन् अन्य विशेषता

बैंकले यस योजनाअन्तर्गत नेपालभरीको कुनै पनि बैंकको एटीएमबाट रकम निकाल्दा रकम नलाग्ने पनि जनाएको छ । त्यसैगरी निःशुल्क चेक क्लियरेन्सको सेवा पनि दिएको छ ।
बैंकले कर्जाको सुविधा पनि पनि दिएको छ । जसमा व्यक्तिगत कर्जा, ओभर ड्राफ्ट, घर कर्जा, सवारी कर्जा, वित्तीय सुविधा तथा शिक्षा कर्जा दिने बैंकले जनाएको छ ।

बैंकले यस योजना अन्तर्गत फिक्स्ड डिपोजिट सरहको उच्च व्याजदर प्रदान गरिने जनाएको छ । जसमा सुपर चमत्कारीक बैंकले ‘सोच बदलौं पुरै परिवारको लागि १ करोड ३० लाख भन्दा बढिको बिमा सुविधाको फाईदा उठाऔं’ भन्ने नारा सहित अन्य विभिन्न चमत्कारिक बचत खाता योजना पनि सार्वजनिक गरेको छ । एनआईसी एशिया बैंकले यी बाहेक आफ्ना ग्राहकको लागि अन्य आकर्षक सुविधाहरु पनि प्रदान गर्दै आईरहेको छ ।

भाइबर बैंकिङ्ग

आजभोलि हरेक नागरिकको हात हातमा स्मार्ट फोन हुन्छ । फोनमार्फत नै ग्राहकले भाइबर एपबाट खाताको बारे जानकारी लिन सक्नेछन् ।

‘डिजिटल बैंकिङ्ग’ क्षेत्रमा नयाँ आयाम थप्दै बैंकले भाईबर बैंकिङ्ग मार्फत खाताको मौज्दात जाँच गर्न, विनिमय दर, ब्याजदर, खाताको कारोबारको विवरण लगायत अन्य विवरणको जानकारी लिन सक्ने बैंकले जनाएको छ ।

ग्राहकहरुले आफ्नो खाताको अवस्थाबारे जानकारी लिन सक्नेछन् । साथै बैंकले प्रदान गर्ने अन्य सेवाहरुबारे पनि भाइबर बैंकिङ्गबाट जानकारी लिन सकिन्छ । एनआईसी भाईबर बैकिङ्गद्वारा बैंकबाट प्रेषित गरिएका सूचनाहरु, बैंकिङ्ग समय बारेको जानकारी, बैंकका शाखा, एटिएमका बारे जानकारी, बैंकका सेवा तथा प्रबर्धन लगायतका सम्पूर्ण जानकारी प्राप्त गर्न सकिन्छ ।

मिस्डकल सेवा
एनआईसी एसिया बैंकले गत साउन १ गतेबाट मिस्ड कल बैंकिङ्ग सेवा पनि संचालनमा ल्याएको छ । ग्राहकहरुले ब्यालेन्स वारे जानकारी, स्टेटमेन्ट बारे जानकारी लगायतका सेवाहरु मिस्ड कल गरेर प्राप्त गर्न सक्ने जनाइएको छ ।

बैंकले तोकेको नम्बरमा मिस्डकल गरि यी सेवाहरु लिन सकिन्छ । ब्यालेन्सवारे जानकारी लिन ९८०१२२७७३३ मा मिस्डकल गर्नुपर्नेछ । मिस्डकल गरेपछि बैंकले एसएमएसमार्फत ब्यालेन्सबारे जानकारी दिने छ ।

मिनी स्टेटमेन्टको जानकारी लिन ९८०१२२७७४४ मा मिस्ड कल गरी खाताको अन्तिम ३ वटा कारोवारको जानकारी एसएमएस मार्फत प्राप्तगर्न सकिने छ । कलब्याक सेवाको लागि ९८०१२२७७५५ मा मिस्ड कल गरे बैंकका सम्बन्धित कर्मचारीले फोन गरेर ग्राहकले बुझ्न चाहेको कुराको जानकारी दिनेछन् ।

यी बाहेक बैंकले क्यूआर कोडमार्फत बिल भुक्तानी गर्न सकिने सेवा पनि प्रदान गर्दै आईरहेको छ । ‘बैकपनि, साथी पनि, राम्रो पनि, हाम्रो पनि’ भन्ने मुल नाराका साथ बैंकिङ्ग सेवा प्रदान गर्दै आइरहेको उक्त बैंकले आफ्नो वार्षिकोत्सवको अवसरमा २५ वटा चमत्कारीक विशेषताहरुसहितको बिभिन्न १५ नयाँ बचत निक्षेप योजना सञ्चालनमा ल्याएको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७