१५ महिनापछि खुल्यो मलेशिया रोजगार, नेपाल–मलेशियाबीच सहमति
काठमाडौं, २६ भदौं । झण्डै १५ महिनादेखि बन्द रहेको मलेशियाको रोजगारी खुलेको छ । अब रोजगारीका लागि मलेशिया जान नयाँ कामदारलाई बाटो खुल्ला भएको छ ।
नेपाल र मलेसियाको श्रम मन्त्रालयस्तरीय प्राविधिक समितिमा तत्कालै मलेसियाको रोजगारी खुला गर्ने सहमति भएको हो ।
योसँगै लामो समयदेखि मलेशिया जानका लागि लाइनमा रहेका र जान चाहनेहरुका लागि प्रक्रिया खुल्ला हुने भएको छ ।
