न्यायाधीशका सवारी चालक एक लाख १० हजार घुससहित पक्राउ
सिरहा, २६ भदौं । जिल्ला अदालत सिरहाका एक न्यायाधीशका सवारी चालक एक लाख १० हजार घुससहित पक्राउ परेक छन् ।
सवारी चालक वृजमोहन यादवलाई घुस रकमसहित अख्तियार दुरुपयोग अनुसन्धान आयोगको टोलीले बिहीबार पक्राउ गरेको हो । पक्राउ परेका यादव इजलास–३ का न्यायाधीश नरनारायण पौडेलका सवारी चालक हुन् ।
आयोगको कार्यालय बर्दिबासको टोलीले उनलाई सिरहा सदरमुकामस्थित खड्ग होटलबाट पीडितसँग घुस लिंदै गरेको अवस्थामा पक्राउ गरेको अख्तियारको बर्दिबास प्रवक्ता हरिप्रसाद घिमिरेले जानकारी दिएका छन् ।
यादवले अदालतमा विचाराधीन रहेको मुद्दा मिलाई दिने भन्दै पीडितसँग रकम माग गरेको पाइएको घिमिरेले बताएका छन् ।
