भारतकोे बंगलादेशलाई १०७ रनको सामान्य लक्ष्य
काठमाडौं, २८ भदौ (एजेन्सी) । यू–१९ एसिया कप क्रिकेटको फाइनलमा भारतले बंगलादेशलाई सामान्य लक्ष्य दिएको छ । श्रीलंकामा जारी प्रतियोगितामा टस जितेर पहिला ब्याटिङ गरेको भारतले ३२.४ ओभरमा सबै विकेट गुमाउँदै १०६ रन मात्रै बनाउँदै १०७ रनको लक्ष्य दिएको हो ।
भारतका करण लालले सर्वाधिक ३७ रन बनाउँदा कप्तान ध्रुव जुरेलले ३३ रनको योगदान गरे । शास्वत रावतले १९ रन बनाउँदा अरु ब्याट्सम्यानले दोहोरो अंकमा रन बनाउन सकेनन् । जसमा तीन जना ब्याट्सम्यानले खाता नै खोल्न सकेनन ।
बंगलादेशका मृत्युन्जय चौधरी र सहिम हसनले समान तीन तीन विकेट लिएका थिए । तन्जिम हसन सकिब र साहिन आलमले एक–एक विकेट लिए । भने भारतका दुई जना ब्याट्सम्यान रन आउट भए ।
