सातै प्रदेशको पहिचान झल्कने सांस्कृतिक नृत्यसहित संविधान दिवस (फोटो फिचर)

काठमाडौं, ३ असोज । सरकारले काठमाडौंकाे टुडिखेलमा विशेष कार्यक्रम गरी संविधान दिवस मनाएको छ ।

सरकारले ०७२ असोज ३ गते संविधान जारी भएको खुशीयालीमा काठमाडौंको सैनिक मञ्चमा टुँडिखेलमा राष्ट्रपति विद्या भण्डारी, उपराष्ट्रपति नन्दबहादुर पुन, प्रधानमन्त्री केपी ओलीलगायत विशिष्ट व्यक्तिहरु सहभागी बनेका छन् । कार्यक्रममा विभिन्न किसिमका साँस्कृतिक कार्यक्रम, विभिन्न झाँकी र कवाजहरु प्रदर्शन गरि मनाएको हो ।


यसैगरी टुडिखेलमा सातै प्रदेशको पहिचान झल्कने सांस्कृतिक नृत्य प्रर्दशन गरे । सुदुरपश्चिम प्रदेशको हुडकेली नाच, कर्णाली प्रदेशको मयुर नाच, प्रदेश नं ५ को थारु नृत्य, गण्डकी प्रदेशको गौरा नृत्य प्रस्तुत गरिएको थियो ।


यस्तै प्रदेश १ को साकेला शिलि, प्रदेश नं २ को झिझिया नाच र प्रदेश नं ३ को तामाङ सेलो प्रस्तुत गरिएको थियो ।


संविधान दिवस तथा राष्ट्रिय दिवस हर्षोल्लासका साथ मनाऔं, घरघरमा राष्ट्रिय झण्डा फहराऔं र दिपावली गरौं’ भन्ने मूल नारा तय गरेको सरकारले यस वर्षको दिवसलाई विशेष महत्व दिएको छ ।
‘नेपालको संविधान, २०७२’ जारी भएको दिनको सम्झनामा हरेक वर्ष असोज ३ गते मनाइँदै आएको संविधान दिवसको दिनलाई नै सरकारले राष्ट्रिय दिवसको रुपमा समेत मनाउने निर्णय गरेको थियो ।

तस्वीर : नवीन पौडेल/रासस

प्रतिक्रिया दिनुहोस्