प्रधानमन्त्रीलाई गोपाल किरातीको १८ बुँदे चेतावनी (विज्ञप्तीसहित)
काठमाडौं, ३ असोज । नेकपा (माओवादी) केन्द्रका अध्यक्ष गोपाल किरातीले संविधान पुनर्लेखनका लागि ध्यानाकर्षण गराउँदै प्रधानमन्त्री केपी शर्मा ओलीलाई विभिन्न १८ बुँदे चेतावनी दिएका छन् ।
अध्यक्ष किरातीले संविधानको समाजवादी पुनर्लेखनबारेको चेतावनीपत्रमा वर्तमान संविधानले समाजवाद उन्मुख स्वरुप मात्रले नेपालको राष्ट्रिय स्वाधीनता, पहिचान आधारित जनवाद र जनजीविकाको अग्रगामी नेतृत्व दिन असक्षम ठहरिएको उल्लेख गरेका छन् ।
किरातीले डबल नेकपाको सरकारद्वारा थोपरिएको भ्रष्टाचार, राष्ट्रघात, फाँसिवादका ज्यादतीहरु देश र जनताका निमित्त भयानक संकट बनिरहेको जनाएका छन् ।
संविधानको कमजोरी र सरकारी ज्यादतिद्वारा उत्पन्न प्रतिक्रान्तिकारी संकट सामना गर्ने जमर्काे गरिरहेका विभिन्न कम्युनिष्ट शक्तिहरुमध्ये विप्लव नेकपाविरुद्ध सरकारी प्रतिबन्ध र हत्या श्रृंखलाले संविधानको औचित्यमाथि नै गम्भीर प्रश्न खडा गरेको किरातीले उल्लेख गरेका छन् ।
यस्ता छन् किरातीले दिएको १८ बुँदे चेतावनी
