श्री एयरलाइन्सबाट योगेश भट्टराईको योजना कार्यान्वयन सुरु
काठमाडौं, ६ असोज ।
संस्कृति, पर्यटन तथा नागरिक उड्डयनमन्त्री योगेश भट्टराईले मन्त्रि हुनेबित्तिकै सार्वजनिक गरेको हवाई भाडामा जेष्ठ नागरिकलाई छुट कार्यान्वयनमा आएको छ । वार्षिक कार्यक्रम अन्तर्गत उनको यो योजना कार्यान्वयन सुरु भएको हो ।
मन्त्री भट्टराईको योजना अनुसार श्री एयरलाइन्सले ८५ बर्ष पुगेका नागरिकलाई ५ सय रुपैयाँ मात्र भाडा लिने निर्णय गरेको छ । यस्तै ७५ वर्ष पुगेका जेष्ठ नागरिकलाई भने ५० प्रतिशत छुटको निर्णय गरिएको हो ।
एयरलाइन्सले यो निर्णय यही असोज १२ गतेदेखि लागु हुनेगरी छुट दिइएको सार्वजनिक प्रेस विग्यप्तीमा उल्लेख गरिएको छ ।