एनआइसी एशियाले सुरुवात गर्यो जापानबाट ‘इनवार्ड रेमिट्यान्स सेवा’
पोेखरा र वीरगञ्जमा नयाँ शाखा सञ्चालन
काठमाडौं, ८ असोज । एन आई सी एशिया बैंक लिमिटेडले ओके रेमिट जापानसँगको सहकार्यमा जापानबाट इनवार्ड रेमिट्यान्स सेवाको शुरुवात गरेको छ । ओके रेमिट जापानसँगको सम्झौता अनुसार ओके रेमिटमार्फत् सेवाको सुरुवात गरेको हो ।
जापानमा रहेका नेपालीहरुले नेपालमा रहेका आफन्तहरु वा अन्य व्यक्तिहरुले भुक्तानी पाउने गरी पठाएको विप्रेषण रकम बैंकको ३०१ वटा शाखाहरु, ७० वटा विस्तारित काउण्टर, ४१ वटा शाखारहित बैंकिङ्ग तथा ९,००० भन्दा बढी सहायक प्रतिनिधिहरु मार्फत् भुक्तानी पाउने बैंकले जनाएको छ ।
यसैगरी चाडपर्वको अवसरमा जापानमा रहेका नेपालीहरुले २०७६ असोज महिनाभर ओके रेमिट जापानबाट एनआईसी एशिया रेमिटमार्फत् भुक्तानी हुने गरी नेपालमा निःशुल्क रुपमा रकम पठाउन सकिनेछ ।
पोेखरा र वीरगञ्जमा नयाँ शाखा सञ्चालन
नेपालका समग्र भौगोलिक क्षेत्रहरुमा आफ्नो उपस्थिति थप दरिलो बनाउँदै लगेको बैंकले दुई नयाँ शाखाहरु सञ्चालनमा ल्याएको छ ।
बैँकले पोखराको बाझापाटन र वीरगञ्जको पावरहाउस चोकमा यही आश्विन ६ गतेदेखि सञ्चालनमा ल्याएको हो ।
कास्की जिल्ला, पोखरा महानगरपालिका वडा नं १३ स्थित बाझापाटन शाखाकोे उद्घाटन गण्डकी प्रदेशका आर्थिक मामिला तथा योजनामन्त्री किरण गुरुङले गरे ।
त्यस्तै पर्सा जिल्ला, वीरगञ्ज महानगपालिका वडा नं १३ स्थित पावरहाउस चोक शाखाको उद्घाटन वीरगञ्ज उद्योग वाणिज्य संघका अध्यक्ष गोपाल केडियाले गरे ।