बन्द रंगशालामा बार्सिलोनाका ३–० को जित
काठमाडौं : स्पेनिस ला लिगा फुटवलमा बार्सिलोनाले लस पालमसलाई ३–० ले हराएको छ । बार्सिलोनाको लागि मेस्सीले २ र बुस्केस्टले १ गोल गरे । बार्सिलोनाको लागि खेलको ४९ औं मिनेटमा बुस्केस्टले गोल गरेका थिए । लियोनल मेस्सीले ७० र ७७ औं मिनेटमा गोल गर्दै बार्सिलोनालाई ३–० को जित दिलाए ।
स्पेनबाट छुट्टिनको लागि क्याटालोनियामा जनमत संग्रह गर्ने तयारी भएपछि बार्सिलोनामा तनाव भएपछि मैदानका ढोका बन्द गरेर खेल खेलाइएको थियो ।
ला लिगामा बार्सिलोना ७ खेलबाट २१ अंक बटुल्दै तालिकाको शिर्ष स्थानमा छ । १६ अंकसहित सेभिल्ला दोस्रो र १५ अंकसहित भ्यालेन्सिया तेस्रो स्थानमा छ ।