टी–२० क्रिकेट सिरिजमा नेपाल र जिम्बावेबीच खेल जारी (LIVE)
काठमाडौं, १४ असोज । सिंगापुरमा जारी त्रिकोणात्मक टी–२० क्रिकेट अन्तर्गत आफ्नो तेस्रो खेलमा टेष्ट टोली जिम्बावेविरुद्ध पहिला फिल्डिङ गरिरहेकाे छ । सिंगापुरको इन्डियन एसोसियसन मैदानमा नेपालले टस जितेर पहिला फिल्डिङ गर्ने निर्णय लिएका हाे ।
हरेक टिमले एक अर्काविरुद्ध दुई-दुई खेल खेल्ने भएकाले नेपालले जिम्बावेविरुद्ध आज दोस्रो खेल खेल्न लागेको हो । नेपाल जिम्बावेलाई हराएर सिरिजको उपाधि होडमा बलियो बनाउन चाहन्छ ।
https://youtu.be/CVcOwE547pM
आयोजक तथा एसोसियट राष्ट्र सिंगापुरले आइतबार जिम्बावेलाई हराएसँगै नेपाल तालिका शीर्ष स्थानमा उक्लेको छ । आइतबार राति भएको खेलमा सिंगापुरले जिम्बावेलाई ४ रनले पराजित गरेको थियो । नेपालले २ खेलमा १ जित र १ हारसहित २ अंक जोडेको छ । नेपालले सिंगापुरलाई भने ९ विकेटले हराएको थियो । सिरिजको तालिकामा जिम्बावेले पनि २ खेलमा २ अंक जोडेको छ । नेपाल नेट रन रेटको आधारमा शीर्ष स्थानमा छ ।
सिंगापुरको पनि २ अंक छ । त्यसैले ३ वटै टिमले सिरिजको उपाधि जित्ने सम्भावना छ । डबल राउण्ड रोबिनको आधारमा जारी सिरिजको शीर्ष टोलीले उपाधि जित्ने छन् ।
जिम्बावेलाई हराएमा नेपालले उपाधि जित्ने सम्भावना बलियो बनाउनेछ। साथै नेपालले भोलि सिंगापुरलाई पनि हराउनु पर्नेछ । आइतबार भएको खेलमा नेपालले सिंगापुलाई नौ विकेटले पराजित गरेको थियो । उक्त खेलमा कप्तान पारस खड्काले कीर्तिमानी शतक प्रहार गरेका थिए ।
